6/21/2018
Today from Hiiraan Online:  _
Wararka Maanta- Arbaco, Jan 10, 2018
Madaxweyne Farmaajo oo siweyn loogu soo dhaweeyay magaalada Qardho



Arbaco, Janaayo, 10, 2018 (HOL) – Kumannaan shacab ah oo isaga kala yimid qeybaha kala duwan ee gobolka Karkaar ayaa magaalada Qardho soo dhaweyn ballaaran ugu sameeyay maanta wafdiga uu horkacayo madaxweynaha Soomaaliya Maxamed Cabdullaahi Farmaajo oo booqasho ku maraya Puntland.

Socdaalka madaxweynaha oo ahaa safar dhulka ah ayaa ka soo bilaawday magaalada Garoowe, isaga oo soo maray deegaanno dhowr ah ka hor inta uusan tagin magaalada Qardho oo ay ku sugayeen dadweyne labadii cisho ee la soo dhaafay u diyaar ahaa soo dhaweyntiisa.

Boqor Burhaan Boqor Muuse oo ay is arkeen wafdiga madaxweynaha ayaa u sameeyay soo dhaweyn hab maamuus dhaqan leh, waxaana uu halkaa ku guddoonsiiyay madaxweyne Farmaajo dharka Hidaha iyo Dhaqanka ‘’ Bilid, Go’shaal, Goofiyad iyo Faras ’’ waxaana uu uga mahad celiyay booqashadiisa Puntland.

Madaxweyne Farmaajo ayaa shacabka reer Karkaar kula hadlay madaxtooyada Qardho, waxaana uu uga mahad celiyay sidii loo soo dhoweeyay.

Ka hor inta uusan soo gaarin magaalada Qardho waxaa uu Farmaajo dhagax dhigay waddo Laami ah oo isku xiri doonta deegaannada Dan-Goronyo iyo Eyl, waxaana waddadaa dhisaya shirkad laga leeyahay dalka Shiinaha.

Booqashada Qardho ayaa la filayaa in uu madaxweynuhu uga sii gudbo dhinaca magaalada Boosaaso oo ah magaalada Ganacsiga deegaannada Puntland oo idil isaga oo booqan doona dekedda Boosaaso oo ah Ilo dhaqaalle oo weyn.

C/raxmaan Diini, Hiiraan Online
[email protected]

 







Click here
1/10/2018 8:22 AM EST
Arbaco,January 10,2018 (HOL)-Madaxweynaha Somaliland Muuse Biixi Cabdi ayaa maanta xafiiskiisa ku qaabiley ergayga Gaarka ah ee Xoghayaha guud ee qaramadda midoobay u qaabilsan Somaliland iyo Soomaaliya Amb. Michael Keating iyo wefti uu hogaaminayo.

1/10/2018 7:55 AM EST
Arbaco, Janaayo,10,2017 (HOL)-Safiirkii Soomaaliya ee Iskutaga Imaaraadka Carabta C/qaadir Shiikheey ayaa munaasabad ka dhacday magaalada Abu Dubai waxaa uu xilkii safaarada si ku-meel-gaar ah ugu soo wareejiyay Axmed Ducaale Maxamed.

1/10/2018 6:08 AM EST
Arbaco, Janaayo, 10, 2018 (HOL) – Iyadoo dhawaan Qoraalka ka soo baxay Wasaaradda Ganacsiga iyo Warshadaha lagu sheegay in la soo afjaray Khilaafkii u dhaxeeyay Rugta Ganasiga ayaa waxaa arintaa ka hadlay Guddoonka sare ee Rugta Ganacsiga oo ka hor yimid qoraalkii horey uga soo baxay wasaaradda.

1/10/2018 4:11 AM EST
Arbaco, Janaayo, 10. 2018 (HOL) –Madaxweynaha dowladda Soomaaliya Maxamed Cabdullaahi Farmaajo ayaa goor dhaw dhax dhigay waddo Laami ah oo isku xirta deegaannada Dan-Goronyo iyo Eyl sida uu ku soo waramayo Wariyaheena Ibraahim Baafo oo ka mid ah wariyayaal la socda wafdiga madaxweynaha.

1/10/2018 3:37 AM EST
Arbaco, Janaayo, 10. 2018 (HOL) -Dawladda Federaalka Soomaaliya oo ka walaacsan collaadaha ka soo aloosmay deegaanka Tukaraq ee Gobolka Sool, ayaa ku baaqaysa in dhinacyada ku dagaalamaya deegaanka Tukaraq ay si deg deg ah oo shuruud la’aan ah u joojiyaan dagaalka.

1/10/2018 1:43 AM EST
Arbaco, Janaayo, 10, 2018 (HOL) - Madaxweyne Maxamed Cabdullahi Farmaajo oo booqasho rasmi ah ku jooga magaalada Garowe ee xaruunta dowlad goboleedka Puntland ayaa la kulmay will da’yar oo aftahan ah si weyna u taageeray markii la doortay madaxweyne Farmaajo bishii Feb 8 ee sannadkii la soo dhaafay.

1/10/2018 1:10 AM EST
Arbaco, Janaayo, 10, 2018 (HOL)– Daadad iyo dhul go'ay ayaa saameeyay deegaannadii uu burburiyay dabkii kaymaha ka soo kacay bishii hore, waxayna gooyeen in kabdan 30km oo ka mid ah jidka wayn ee halbawlaha u ah xeebta gobolka California ee dalka Maraykanka.

1/10/2018 12:52 AM EST
Arbaco, Janaayo, 10, 2018 (HOL)–Madaxweynaha dowladda Soomaaliya Maxamed Cabdullaahi Farmaajo iyo wafdiga la socda oo maalmihii ugu danbeeyay ku sugnaa magaalada Garoowe ayaa goor dhaw u dhaqaaqay dhinaca magaalada Qardho ee gobolka Karkaar.

1/10/2018 12:39 AM EST
Arbaco, Janaayo, 10, 2018 (HOL) – Madaxweynaha dalka Eritrea Isaias Afwerki ayaa gaaray caasimada dalka Masar ee Qaahira isagoo halkaas kula kulmi doona dhigiiisa dalka Masar Abdel-Fattah al-Sisi.

1/10/2018 12:32 AM EST
Arbaco, Janaayo, 10, 2018 (HOL) – Shirka Wasiiradda Qorsheynta ee Wadamada Carabta ayaa maanta oo Arbaco ah lagu wadaa in uu ka furmo dalka Kuwait.

1/10/2018 12:14 AM EST
Arbaco, Janaayo, 10, 2018 (HOL) - Madaxweynaha maamulka Puntland C/wali Maxamed Cali Gaas ayaa ka hadlay xiisada u dhaxeysa Maamulka Puntland iyo Somaliland, taasi oo dhowaan soo xoogeysatay, kadib markii Ciidamo ka kala tirsan labada maamul ay ku dagaalamaneen degaanka Tukaraq.