Jimco, Feberaayo, 09, 2018 (HOL) – Maamulka Koonfur Galbeed ayaa markii ugu
horeysay ka hadlay qorshe dagaal oo la sheegay in Mukhtaar Rooboow uu ka wado
qeybo ka mid ah deegaannada Koonfur Galbeed.
Wasiir ku xigeenka Amniga Maamulka Koonfur Galbeed C/risaaq Cabdi Aadan oo
la hadlay warbaahinta ayaa sheegay in maamulku ka war hayo qorshaha Rooboow,
isaga oo intaa ku darray in uu isku diyaarinayo dagaal ka dhan ah Al-shabaab.
Wuxuu sheegay Roobow in ay mas’uuliyad ka saaran tahay sidii uu Al-shabaab
ula dagaalami lahaa, maadaama uu ka soo jeedo deegaanada Koonfur Galbeed, islamarkaana
aqoon u leeyhaay sida uu hadalka u dhigay xeesha dagaal ee Ururka.
Madaxweynaha Maamulka Koonfur Galbeed Soomaaliya Shariif Xasan Sheekh Aadan
ayuu sheegay in ay ka sugayaan go’aanka ugu dambeeya ee dagaalka loogu qaadayo
Shabaab.
Sheekh Muqtaar Roobow ayaa tiro
Saddex jeer ah waxaa uu tagay magaalada Baydhao ee xarunta KMG ah Maamulka
Koonfur Galbeed, halkaasi oo uu kula kulmay saraakiil Ciidan.
C/raxmaan Diini, Hiiraan Online
[email protected]