Arbaco, Feberaayo, 07, 2018 (HOL) - Maamulka
gobolka Hiiraan ayaa sheegay howlgal ay sameeyeen in ay gacanta ku dhigeen Rag
ka tirsan Al-Shabaab kuwaasi oo uu sheegay in ay dilal qorsheysan ka fulin
jiren gobolka.
Maamulka ayaa sidoo kale sheegay in ay ku daba jiraan kuwa kale oo la
shaqeyn jiray raga ay howlgalka ku soo qabteen.
Guddoomiyaha Maamulka gobolka Hiiraan Cali Jeyte Cusmaan ayaa sheegay in ay
joogteynaya howlgalada amniga lagu xaqiijinayo.
Waxaa uu tilmaamay in kuwa hada ay gacanta ku dhigeen ay horay ugu baxsadeen
maamulka gobolka Hiiraan iyaga oo dil ka geystay gobolka Hiiraan.
Guddoomiyaha Maamulka gobolka Hiiraan Cali Jeyte Cusmaan ayaa ugu baaqay
shacabka iney la shaqeeyaan ciidamada amaanka, una soo gudbiyaan xoogaha ay
hayaan.
Habeen hore ayeey aheyd markii magaalada lagu dilay Cabdi Iidoow Sabriye oo
ka mid ahaa guddoomiyayaashii soo maray gobolka, sidoo kalana waxaa dhacay
Qarax miino oo sababay dhimashada qof la
sheegay in uu Aasayay.
C/raxmaan Diini, Hiiraan Online
[email protected]
