Talaado, Feberaayo, 06 ,2018 (HOL) - Madaxweynaha
dowladda Federaalka ah ee Soomaaliya Maxamed C/llaahi Farmaajo ayaa xalay casho
sharaf soo dhaweyn ah Madaxtooyada ugu sameeyey golaha Amniga Qaranka.
Madaxweynayaasha Dowlad Goboleedyada oo maanta
iyo shalay soo gaaray Muqdisho, ayaa u yimid ka qeyb-gelitaanka shirka Amniga
Qaranka oo maanta ka furmi doona.
Casho sharafta waxaa kasoo qeyb galay Ra’iisul
wasaaraha Xukuumadda Federaalka Soomaaaliya Xasan Cali Kheyre, Ra’iisul wasaare
Kuxigeenka Mahdi Maxamed Guuleed, Guddoomiyaha Aqalka Sare Cabdi Xaashi
Cabdullaahi, Guddoomiye kuxigeenka Koowaad ee Golaha Shacabka Cabdiwali
Ibraahim Muudeey, Madaxweynaha Dowlad Goboleedka Puntland Cabdiwali Maxamed
Cali Gaas, Madaxweynaha Dowlad Goboleedka Galmudug Axmed Ducaale Geele Xaaf,
Madaxweynaha Dowlad Goboleedka Jubbaland Axmed Maxamed Islaam, Madaxweynaha
Dowlad Goboleedka Koonfur Galbeed Shariif Xasan Sheekh Aadan, Madaxweynaha
Dowlad Goboleedka Hirshabeelle Maxamed Cabdi Waare, Guddoomiyaha Gobolka
Banaadir Cabdiraxmaan Cumar Cismaan Yariisow, la taliyaha Madaxweynaha ee
dhinaca Amniga iyo Sidoo kale Taliyaasha ciidamada qalabka sida, Nabad-sugidda
iyo Wasiirada Xukuumadda Federaalka ee golahan Xubnaha ka ah.
Madaxda golaha Amniga Qaranka ayaa shirkooda
maanta furmaya uga hadlaya arrimaha ammaanka Qaranka, sidii ciidamada
Soomaaliya ammaanka dalka ugala wareegi lahaayeen ciidamada AMISOM.
C/raxmaan Diini, Hiiraan Online
[email protected]
