Talaado, Feberaayo, 06 ,2018 (HOL) - Inta
badna waxaa saakay xiran jidadka muhiimka ah ee magaalada Muqdisho oo lagu
arkayo ciidamo hubeysan oo ka tirsan kuwa dowladda federaalka Soomaaliya.
Inta badan Isgoysyada Wadada Maka Al-Mukarama ayaa saaka xiran,
iyadoo gaadiidka aan loo ogoleyn, sidoo kale wadada Wadnaha ayaa loo
ogoleyn in ay gaadiidka uga soo gudbaan dhinaca Wadada Maka Al-Mukarama,
waxaana loo ogolaa dadweynaha.
Sidoo kale waxaa gabi ahaanba xiran oo aan loo ogoleyn in ay gaadiidku
isticmaalaan laga bilaabo Isgoyska
Tarabuunka ilaa laga gaarayo Isgoyska
Black Sea ee degmada Hodan.
Ciidamada ku sugan Koontaroolada labada Isgoys ah ayaa gaadiidka iyo
Mootooyinka Bajaajta u diidaya inay maraan wadada, waxayna u sheegayaan in
wadada ay tahay mid xiran.
Qaar ka mid ah Shacabka Magaalada Muqdisho ayaa lugeynaaya Wadooyinka
dhexdooda.
Ciidamada Ammaanka ayaa xataa diidaya in dadka Shacabka ay maraan Isgoyska
Tarabuunka ee Muqdisho.
Ilaa iyo hadda lama ogga sababta loo xiray wadadaasi oo ah mid muhiim u ah
isku socodka gaadiidka Muqdisho, laakiin waxaa loo maleynayaa in arintan xiriir la leedahay shirka hogaamiyayaasha Soomaaliya maanta uga furmaya magaalada Muqdisho
C/raxmaan Diini, Hiiraan Online
[email protected]
