Isniin, Feberaayo, 05, 2018 (HOL)- Wararka ka imanaya gobolka Gedo ee Koonfurta
Soomaaliya ayaa sheegaya in saacadihii ugu danbeeyay halkaa gaareen saraakiil
sar sare iyo dagaalyahanno ka tirsan Al-shabaab.
Cismaan Nuur Xaaji guddoomiye
kuxigeenka dhinaca Amniga gobolka Gedo ayaa sheegay in dagaalyahano fara badan
oo ka tirsan Shabaab oo ka yimid Jubbooyinka ay soo galeen deegaano ka tirsan
Gedo.
“Dagaalyahano Shabaab ah ayaa
meelo badan oo Gobolka Gedo ka mid ah soo galay, oo ay wehliyaan madaxdooda,
waxaa deegaanada soo galeen ka mid ah Ceel Cadde, Kabis, Caracas, Golweyn iyo
meelo kale oo ku dhow Garbahaarey”ayuu yiri guddoomiye kuxigeenka Gedo oo
wareysi siiyay Idaacada Kulmiye
Guddoomiye ku-xigeenka ayaa
intaa ku daray in ay ka war heleen in saraakiisha soo gaaray deegaano ka mid ah
Gedo uu ku jiro Hoggaamiyaha Al-Shabaab Axmed Diiriye.
Cculeyska ay Al-Shabaab soo
saareen Gobolka ayuu sheegay in ay la
wadaageen Dowladda Soomaaliya iyo ciidamada taageera.
C/raxmaan Diini, Hiiraan Online
[email protected]