Warar dheeraad ah oo ka soo baxaya Qarax ka dhacay gudaha guri ku yaala Muqdisho
Axad, Feberaayo, 04, 2018 (HOL) – Faah faahin dheeraad ah ayaa ka soo baxaya
Qarax caawa ka dhax dhacay Guri ku yaalla xaafada Oodweyne ee degmada Deyniile
Gobolka Banaadir.
Qaraxan laga maqlay qaar ka mid ah xaafadaha degmada ayaanan la ogeyn ilaa
hadda sababta rasmiga ah ee ka dambeysa in uu ka dhex dhaco gurigaasi, balse
baaritaano ayaa socda.
Guriga qaraxa uu ka dhacay ayaa waxaa ku sugnaa dad shacab ah, oo gurigaasi
degnaa, kuwaasi oo khasaare dhimasho iyo dhaawacba uu ka soo gaaray qaraxaasi.
Ciidamada ammaanka dowladda Federaalka oo wata gaadiidka dagaalka oo ku sugnaa
goobta uu qaraxa ka dhacay ayaa gaaray halkaasi, waxayna xarumaha
baaritsta u qaadeen dadkii ku waxyleelobay qaraxaasi.
Sidoo kale ciidamada ayaa la wareegay guriga uu qaraxa ka dhacay, waxayna
arrintan cabsi iyo wal ku abuurtay dadka degaanka, shacabka degan xaafadaasi
ayaa guryahooda goor hore oo caawa ah ku xarooday, maadaama ciidamada ay wadaan
baaritaano.
Goob jooge ayaa warbaahinta u sheegay in la maqlay mar kaliya jugta Qaraxa,
waxaana wararku intaa ku darayaan in gudaha guriga lagu arkay meydadka dad aan
tiradooda aysan sheegin.
C/raxmaan
Diini, Hiiraan Online
[email protected]