3/28/2024
Today from Hiiraan Online:  _
Wararka Maanta- Axad, Feb 4 , 2018
Maamulka Jubbaland oo beeniyay in xiisad ka jirto Kismaayo

 

Axad, Feberaayo, 04, 2018 (HOL)- Maalmihii ugu danbeeyay waxaa isa soo tarayay warar sheegaya in magaalada Kismaayo ay ka jirto xiisad ka dhalatay xildhibaan dhawaan xabsiga la dhigay, kaddib markii lagu eedeeyay in uu danbi ka gallay maamulka.

Taliyaha ciidamada Booliiska magaalada Kismaayo G/sare Maxamed Naasir Guulleed Xassan oo la hadlay VOA ayaa beeniyay wararka sheegaya in ay jiraan ciidamo ku abtirada xildhibaanka la xiray oo lagu magacaabo Axmed Daajir ka gadoodeen maamulka iyo xiisad colaadeed oo arintaan ku saabsan oo ka taagan magaalada.

Wuxuu sheegay in taliyaha in aysan jirin ciidamo ka gadooday maamulka Jubbaland oo ka careysan xariga xildhibaan, isaga oo intaa ku daray in wararka yihiin kuwo been abuur ah oo ay baahinayaan dad ka soo horjeeda sida uu hadalka u dhigay Nabada magaalada Kismaayo.

Mar uu ka hadlay xildhibaanka xiran iyo sababaha xarigiisa loo cukaday ayuu yiri’’ dabcan xildhibaanka xiran danbi ayaan loo heystaa , qofka haddii uu sharciga u gafo dowliga ahna waa la qabanaya, dowladda ayeeyna u taalaa sida laga yeelayo’’ ayuu yiri taliyaha ciidamada Booliiska Kismaayo.

Xildhibaankan oo ka tirsanaa baarlamaanka maamulka Jubbaland ayaa xasaannada lagala noqday kaddib markii lagu eedeeyay in uu u bareeray falal lid ku ah Amniga iyo kicin dadweyne.

C/raxmaan Diini, Hiiraan Online
[email protected]













Click here
2/4/2018 12:25 PM EST
Axad, Feberaayo, 04, 2018 (HOL)–Faah faahin dheeraad ah ayaa ka soo baxaya Qarax caawa ka dhax dhacay Guri ku yaalla xaafada Oodweyne ee degmada Deyniile Gobolka Banaadir.

2/4/2018 7:18 AM EST
Axad, Feberaayo, 04, 2018 (HOL)-Guddoomiyaha gobolka Benaadir ahna duqa Magaalada Muqdisho Cabdiraxmaan Cumar Cusmaan (Eng. Yariisoow) ayaa kulan la qaatay wafdi ka socda dawladda Shiinaha oo kamid yihiin shariikado ka shaqeeya horumarinta magaalooyinka.

2/4/2018 5:12 AM EST
Axad, Feberaayo, 04, 2018 (HOL) - Wasiiru Dowlaha Wasaaradda Arrimaha Dibadda iyo Iskaashiga Caalamiga ee Jamhuuriyadda Federaalka Soomaaliya Abdulkadir Ahmed-Kheir Abdi ayaa ka qeybgalay shir wasiirada arrimaha Dibadda Carbeed ay kaga tashanayeen waxaa ka dhashay go’aankii madaxweynaha Mareykanka Donald Trump uu ku aqoonsaday magaalada Qudus “Jerusalem” in ay tahay caasimadda Israel, waxaa kulanka golaha wasiirada carbeed ka hadalka ajandahaasi soo gudbisay dowladda Falastiin “Palestine”, kaa oo ka dhacay magaalada Qaahir ee dalka Masar.

2/4/2018 3:33 AM EST
Axad, Feberaayo, 04, 2018 (HOL)-Dagaalyahano ka tirsan Al- Shabaab ayaa xalay saqdii dhexe waxa ay weerar dhawr jiho ah ku qaadeen Saldhig ciidamada AMISOM ay ku leeyihiin degaanka NO.60 ee Gobolka Shabellaha hoose.

2/4/2018 1:06 AM EST
Axad, Feberaayo, 04, 2018 (HOL) Madaxda Waxbarashadda dalalka caalamka ayaa ka qeyb galaya shir caalami ah oo ka socda dalKa Senegal , kasoo looga hadlaayo sidii loo horumarin lahaa waxbarashadda dalalka soo koraya.

2/4/2018 1:00 AM EST
Axad, Feberaayo, 04, 2018 (HOL) – Dowladda Britian ayaa la sheegay in 4 Qof u xirtay dilka Khadar Saalax oo ahaa wiil Soomaali ah oo lagu dhex dilay xabsi ku yaalla Galbeedka magaalada London.

2/4/2018 12:57 AM EST
Axad, Feberaayo, 04, 2018 (HOL) – Dowladda Canada ayaa todobaad ka hor qoys Soomaaliyeed oo kunool dalkaasi , waxaa ay ka qaadatay 10 caruur ah oo ay heysteen ka dib markii lagu eedeeyay in ay ku guul dareysteen Shuruudaha caruurta dalkaasi.

2/4/2018 12:45 AM EST
Axad, Feberaayo, 04, 2018 (HOL) – Hay’adda Qaramada Midoobay u qaabbilsan xuquuqul insaanka ayaa xukuumadda Kenya ugu baaqday in ay tixgeliso ammarka ka soo baxay maxkamadda sare ee dalka, dibna u howl geliso warbaahintii hawada laga saaray dhawaan.

2/4/2018 12:39 AM EST
Axad, Feberaayo, 04, 2018 (HOL) – Magaalada Muqdisho ayaa lagu wadaa dhawaan uu shir uga furmo dowladda federaalka Soomaaliya iyo Madaxda dowlad goboleedyada dalka kaa oo looga wada hadli doono arrimo dhowr ah.