Madaxweyne Farmaajo : Waxaan u baahannahay si loo ciribtiro Al-shabaab iskaashi caalami ah
Axad, Feberaayo, 11, 2018 (HOL)–Dowladda Soomaaliya ayaa sheegtay in la xoojin doono duqeymaha ka dhanka ah dagaalyahannada Al-shabaab ee ka socda gudaha Soomaaliya.
Madaxweynaha dowladda Soomaaliya Maxamed Cabdullaahi Farmaajo ayaa sheegay
in Al-shabaab aan lagula dagaalami karin oo kaliya ciidamo dhulka ah, laakiin
loo baahan yahay iskaashi heer caalami ah, isaga oo soo dhaweeyay duqeymaha
Mareykanka.
Waxaa uu sheegay in duqeymaha ay ka mid yihiin tilaabooyinka looga hortaggikaro
weerarrada Al-Shabaab.
Isaga oo ka hadlayay sida ay dowladdu ugu guuleysatay wax ka qabashada
Amniga ayuu yiri’’ Waxaad ogtihiin Qarax ka dhaca magaalada Muqdisho waxaa ugu
danbeysay 28kii October weerarkii Hotelka Naasa-Hablood, waxaa muuqata in shaqo
wanaagsan wixii waqtigaa ka danbeeyay laga qabtay Amniga.
Madaxweynaha ayaa sheegay in uu ku kalsoon yahay waqti gaaban sida uu
hadalka u dhigay in lagu soo afjari karo Al-shabaab iyo Ururada kale ee la mid
ah ee dagaalama Soomaaliya.
C/raxmaan Diini, Hiiraan Online
[email protected]
