Axad,, Feberaayo, 11, 2018 (HOL) - Waxaa magaalada Muqdisho ka furmay shir looga
hadlayo arrimaha socdaalka wadamada ku jira Urur gobolleedka IGAD, kaa oo ay ka
qeygalayaan xubnaha.
Kulanka oo noqonaya kii ugu horeeyay ee noociisa ayaa waxaa ka qeybgalaya
dowladda Federaalka, Wakiilo ka socda maamul goboleedyada, Safiirada dalalka
IGAD ku mideysan ee ku sugan Muqdisho, Hey’adda IOM, UNHCR iyo AMISOM.
Dhinacyada Miiska wada fadhiaya ayaa ka arinsanaya sidii muwaadiniinta
dalalka ku mideysan IGAD ay si furan oo Viso la’aan ama dal ku gal la’aan isugu
gudbi lahaayeen.
Gaba-gabada kulanka ayaa lagu wadaa in ka qeybgalayaashu ku heshiiyaan in
muwaadin walba oo u dhashay dalalka ku mideysan IGAD uusan qaxooti ugu noqon laheyn
dal kasta oo uu tago ee ka mid ah IGAD, taasoo u ogolaaneysa in uu ka shaqeysan,
waxna ka baran karo, isaga loo diiwaangalinayo muwaadinnimadiisa.
Is-afgarad arintaa laga gaaro ayaa ka dhigeya in markii ugu horeysay
bulshada ku dhaqan dalalka ku jira Urur gobolleedka IGAD si xor ah isugu gudbin
karaan.
C/raxmaan Diini,
Hiiraan Online
[email protected]
