Madaxweyne Farmaajo : sida ugu dhaqsiyaha badan ayaa loo soo magacaabayaa xilalka taliyayaasha bannaan
Axad,, Feberaayo, 11, 2018 (HOL) -Iyadoo
wali aan la soo magacaabin muddo ka badan saddex bilood xilalka taliyayaasha
Nabad-sugida iyo Booliiska, ayuu sheegay in madaxweyne Farmaajo in sida ugu dhaqsiyaha
badan dowladdiisu u magacaabi doonoto xilalka taliyayaasha wali bannaan.
Madaxweynaha ayaa ku amaanay
taliyayaasha ku-meel-gaar ah ee Nabad-sugida iyo Booliiska shaqada wanaagsan oo
ay Amaanka ka qabteen isaga oo intaa ku darray in dowladdu gacanta ku heyso soo
magacabista taliyayaasha cusub.
29kii October ee sanadkii hore ayeey
aheyd markii golaha Wasiirada xukuumadda Soomaaliya xilalkii ka qaadeen
taliyayaashii Nabad-sugida iyo Booliiska Soomaaliyeed, ilaa iyo haddana waxaa howlihii labada talis
ciidan si Ku-meel-gaar ah u sii wado ku-xiggeennadii taliyayaasha xilalka laga
qaaday.
Taliyihii hore ee hay'adda
Nabad-sugida iyo Sirdoonka Qaranka Cabdullaahi Maxamed Cali Sanbaloolshe oo mar la weydiiyay sababta uu u maleynayo
in wali dowladdu ku dhiiran la'dahay magacaabista xilka taliyaha Nabad-sugida
iyo Booliiska ayuu sheegay in ay dhici karta in madaxda dowladda ka
fiirsanayaan shaqsiyaadkii ay howshaa ku aamni lahaayeen.
C/raxmaan Diini,
Hiiraan Online
[email protected]