Maraykanka oo Cuna-qabateyn Saaray Saddex Shirkadood oo mid ka mid ah Soomaali leedahay
Sabti, Feberaayo, 10, 2018 (HOL) - Xukuumadda
Washington ayaa ku dhawaaqday in ay cunaqabateeyn saartay Shiraddo lagu
eedeeyay in ay taageeraan Kooxda dowladda Islaamka ee Daaciish.
Dowladda Mareykanka ayaa Jimcihii sheegtay inay cuna-qabateyn ku soo rogtay
seddex qof iyo seddex shirkadood oo lagu eedeynayo inay taageeraan kooxda isku
magacowdey Dowladda Islaamiga ah ee ISIS.
Shirkadahan iyo dadkaan oo ka soo kala jeeda dalalka Soomaaliya, Filibbiin
iyo Turkey, ayaa lagu eedeyay in uu xiriir ganacsi dhex maray kooxda iyo iyaga.
Mareykanka, ayaa xannibaad dhaqaale ku soo rogey, Maxamed Mire Cali Yuusuf,
iyo shirkadihiisa Liibaan Trading iyo Al Mutafaq Commercial Company, sababtoo
ah ayaa lagu sheegay doorkiisa ku aaddan taageerada ISIS ee Soomaaliya.
Waaxda lacagaha Mareykanka, ayaa war ay soo saartay ku sheegtay in ay
cuna-qabateyn ku soo rogtay Abdulpatta Escalon Abubakar, oo lagu eedeyay in uu
dhaqaale iyo agabba ugu deeqay kooxda ISIS ee dalka Filibbiin.
Waxaa sidoo kale cuna-qabateyn lagu soo rogey Yunus Emre Sakarya iyo
shirkaddiisa Profesyoneller Elektronik ee fadhigeedu yahay Turkiga, kaas oo
lagu eedeyay in uu qeybo ka mid ah diyaradaha iswada uu u fududeeyay ISIS.
Laakiin warkan waxaa ku gacan saeyray oo waxba kama jiraan ku tilmaamay
Milkiilaha shirkadda Al-Mutafaq Coomercial Company oo la hadlay Idaacada VOA,
isaga oo sheegay in warkaasi yahay mid been abuur ah oo dad gacansigiisa aan ku
faraxsaneyn ay ka faa’fiyeen.
‘’Magaca lagu sheegay Warbixinta waa mid qalad ah Anniga leyma dhaho Maxamed
Mire Cali Yuusuf, Magaceyga rasmiga ah
waa Maxamed Mire Cali Maxamed Hugato, waa xog qaldan oo dad si qalad ah
warbaahinta loogu ayuu yiri ganacsadaha.
Waxaa uu sheegay in uu diyaar u yahay baaritaan kasta oo lagu sameynayo
eedeymaha loo soo jeediyay.
C/raxmaan Diini, Hiiraan Online
[email protected]