6/24/2019
Today from Hiiraan Online:  _
Wararka Maanta- Khamiis, Dec 6 , 2018
Madaxweynaha Eritrea oo booqasho ku tagaya dalka Jabuuti



Khamiis, December, 06, 2018 (HOL)– Madaxweynaha dalka Eritrea,Isaias Afeworki ayaa dhawaan booqanaya dalka Jabuuti, sida laga soo xigtay wasiirka arrimaha dibadda dalka Jabuuti Maxamuud Cali Yuusuf.

Labada dal ayaa muddooyinkii dambe xiriir heer sare ah sameynayay, kaddib markii Itoobiya ku talisay inay heshiis ka gaaraan khilaafka u dhaxeeya ee salka ku haya muran dhanka xaduudda.

"Ma hayo taariikhda uu Afwerki booqashada imaanayo Jabuutu.. laakin labada madaxweyne ayaa la filayaa inay is dhafsadaan booqashooyin midba midka kale dalkiisa ku tagayo". ayuu yiri wasiirka arrimaha dibadda Jabuuti, Maxamuud Cali.

Waxa uu sheegay wasiirka arrimaha dibadda Jabuuti, in dalkiisa ay ka go'antahay in qaab wada-hadal ah lagu dhammeeyo colaadda kala dhaxeysa Eritrea,isagoo wareysi siiyay wakaaladda wararka Anadole ee dalka Turkiga.

"Ra'iisul wasaaraha Itoobiya, Abiy Axmed ayaa billaabay dadaallo abuuraya jawi wanagsan oo dib u heshiisiin ah, waxaana uu ballaariyay baaxadda xasiloonida iyo rajada laga qabo nabadda gobolka". ayuu yiri wasiirka arrimaha dibadda.

Yuusuf, ayaa gobolka geeska Afrika ku tilmaamay midka ugu xasiloonida xun Afrika,isagoo sheegay gobolka inuu dhexda uga jiro dhibaatooyin dhowr ah,kuwaasoo qaarkood ka taagan dalalka gudahooda, waxa uu tusaale u soo qaatay khilaafka siyaasadeed ee Soomaaliya.

"Rajo wanagsan ayaan qabnaa, sababtoo ah waxaan aragnay ifafaallo wanagsan oo horumar ah". ayuu yiri Maxamuud oo inta ku daray in gobolka uu u baahan yahay hoggaamiye aragti fog leh oo arki kara fursadaha ka jira is-dhexgalka iyo wadajirka, kana shaqeeya danaha dadka ku nool gobolka.

Booqashada hadda la filayo inuu madaxweynaha Eritrea , ku tago dalka Jabuuti ayaa la filaya inay meesha ka saarto khilaafka labada dal ,kuwaas oo xiriirkooda uu xuma tan iyo sanadkii 1980-kii,bishii June ee sannadkii 2008-dii labada waddan waxaa dhexmaray dagaal saddex maalmood qaatey,kaddib markii ay isku dhaceen ciidamadooda xadka ku sugan,iyadoo waqtiga ay dowladda Jabuuti ku eedeysay Eritrea inay dhulkeeda ku soo xadgudubtay oo gudaha usoo gashay.

Iman Mohamed Jama, Hiiraan Online
[email protected]









Click here
12/6/2018 11:58 AM EST
Khamiis, December, 06, 2018 (HOL) -Madaxweynaha dowladda Federaalka Soomaaliya Maxamed Cabdullaahi Farmaajo ayaa ka tacsiyeeyay geerida ku timid Taliyihii, Abaanduulihii iyo askar ka tirsan Qaybta 12-ka Abriil ee ciidamada xoogga dalka Soomaaliyeed kuwaas oo ay miino dhulka lagu aasay kula qaraxday meel u dhaw deegaanka Dhanaane ee Gobolka Shabeellaha Hoose.

12/6/2018 10:50 AM EST
Khamiis, December, 06, 2018 (HOL)– Taliyihii qeybta 12-ka April ee ciidanka xoogga dalka Jen. Cumar Aadan Dhabad (Cumar Dheere) iyo saraakiil kale ayaa lagu dilay qarax miino oo waddada dhinaceeda la dhigay,sida ay ku warrantay warbaahina gudaha.

12/6/2018 10:02 AM EST
Khamiis, December, 06, 2018 (HOL)–Mudane Cabdi Xaashi, gudoomiyaha golaha aqalka sare ee Baarlamanka dalka oo maanta soo gaaray magaalada Kismaayo ayaa kulamo la leh madaxda Jubbaland oo uu ugu horeeyo madaxweynaha dowlad goboleedka Jubbaland Mudane Axmed Max’ed Islaam.

12/6/2018 7:04 AM EST
Khamiis, December, 06, 2018 (HOL)- Waxaa dalka Sweden goor wada hadal uga furmay dhinac-yada isku haya dalka Yemen, waxaana khudbad daah fur ah halkaasi ka jeediyay ergayga gaarka ah ee Qaramada Midoobe u qaabilsan Yemen Martin Grithifs

12/6/2018 7:04 AM EST
Khamiis, December, 06, 2018 (HOL)– Guddigii uu dhawaan magacaabay, madaxweynaha Puntland Cabdiweli Maxamed Cali Gaas ee xallinta khilaafaadka iyo ansixinta Baarlamaanka ayaa maanta soo saaray shuruudaha laga rabo xubnaha ka mid noqonaya Baarlamaanka cusub ee Puntland.

12/6/2018 6:39 AM EST
Khamiis, December, 06, 2018 (HOL)– Guddoomiye ku-xigeenka Arimaha Bulshada maamulka Gobalka Banaadir ,Basmo Caamir oo warbaahinta la hadashay ayaa digniin u dirtay Ganacsatada degmada Xamarweyne, kaddib kormeer ay ku tagtay Suuqa degmada.

12/6/2018 6:35 AM EST
Khamiis, December, 06, 2018 (HOL)– Guddoomiyaha Golaha Aqalka Sare ,Cabdi Xaashi Cabdullaahi iyo wafdi uu hoggaaminaayo ayaa ku wajahan magaalada Kismaayo ee xarunta kumeelgaarka ah ee dowlad-gobolleedka Jubbaland.

12/6/2018 5:18 AM EST
Khamiis, December, 06, 2018 (HOL) -Wasiirka waxbarashada Soomaaliya C/llaahi Goodax Barre, oo booqasho ku jooga Dalka Masar, ayaa tagay Madbacadda Buugaagta Magaalada Qaahira, isagoo halkaasi kula kulmay Madaxa Madbacadda Nahdet Misr, Daila Maxamed Ibraahim.

12/6/2018 4:18 AM EST
Khamiis, December, 06, 2018 (HOL)-Inta la ogyahay saddex ruux ayaa la xaqiijiyay in ay ku dhinteen Qarax baabuur meel u dhow saldhigga booliiska koonfurta bari ee magaalada Chabahar ee dalka Iran sidda ay sheegeen Hay’adda Ammaanka dalkaasi.

12/6/2018 1:02 AM EST
Khamiis, December, 06, 2018 (HOL)–Dowladda Itoobiya ayaa markii ugu horeysay waxaa ay isku diyarineysaa in ay shidaal dhoofiso,sida lagu sheegay war ka soo baxay wasaaradda Macdinta, Shidaalka iyo Saliidda Dabiiciga ee dalkaasi Itoobiya.

12/6/2018 12:42 AM EST
Khamiis, December, 06, 2018 (HOL)–Taliska howlgalka Mareykanka ee Africom ayaa qoraal uu soo saaray ku faah faahiyay duqeyn cirka ah oo ay ka geysteen deegaan ka tirsan gobolka Shabeellaha Hoose, gaar ahaan degmada Awdheegle.