Warbixin : Qaar ka mid ah dhacdooyinkii ugu waaweynaa sanadka sii dhamaanaya ee 2018ka
Isniin, December, 31, 2018
(HOL)- Waxaa soconaya saacadihii ugu danbeeyay ee sagootinta sanadka 2018ka oo
caawa ku eg, halka dhinaca kale loo diyaar-garoonayo soo dhaweynta sanadka
cusub ee 2019ka, sidaa daraadeed waxaa halkan idinku soo gudbin doonnaa qaar ka
mid ah dhacdooyinkii ugu waaweynaa ee sanadkan naga sii dhamaanaya ka dhacay
gudaha dalka Soomaaliya, haddii ay ahaan lahaayeen isbadalladda dhinaca Siyaasada
iyo Amaanka intaba.
Haddaba hoose ka Akhriso qaar
ka mid ah qodobbadii ugu waaweynaa dhacdooyinkii sanadkan :-
January 04, 2018 -
Waxaa xilalka ay hayeen laga qaaday Wasiirada Arrimaha Dibadda, Arrimaha Gudaha
iyo Ganacsiga
a) Yusuf Garaad Cumar –
Wasiirkii arrimaha dibadda waxaa lag beddelay Danjire Axmed Ciise Cawad oo ahaa
safiirka Soomaaliya u fadhiya dalka Mareykanka.
b) Cabdi Faarax Juxa -
Wasiirka arrimaha gudaha. Waxaa lagu beddelay Injineer Cabdi Maxamed Sabriye oo
ahaa ganacsade in mudda ah ku nool dalka Kenya.
c)Khadra Axmed Ducaale
-Wasiiradda Ganacsiga. Waxaa lagu beddelay Maxamed Cabdi Xayir (Maareeye) oo
horay u ahaa wasiirka warfaafina.
7 Jannaayo 2018 - Madaxweynaha
Soomaaliya Maxamed Cabdullaahi Farmaajo ayaa socdaal qaatay 17-cisho ku tagay
Puntland iyo Galmudug, safarkaa oo uu ugu magac-daray socdaalkii Nabadda iyo
dib u heshiisiinta wuxuu ku tagay magaalooyinka kala ah, Garowe,
Dongorayo,Qardho, Carmo, Bosaso, Gaalkacyo, Cadaado, Dhuusamareeb,
Guriceel,Ballanbal,Xeraale,Caabudwaaq iyo Hobyo.
Safarkaasi intii uu ku guda
jiray wuxuu dhagax dhigay meelo kala duwan oo dib u dhis, dayactir iyo
dhismeyaal cusub laga sameynayo.
Janaayo, 15, 2018 -
Waxaa dalka Canada magaalada Toronto ku geeriyootay Allaha u naxariistee
Fanaanaddii Weyneyd ee Hobolada Waabari Qadiijo C/llaahi Daleys.
Waxaa ay sanadkii 1936 ku
dhalatay magaalada Baydhabo ee Gobolka Baay, waxaa ay aheyd fanaanad waddani ah
oo jecel Soomaaliweyn,
Janaayo, 21, 2018 - Ciidamo
dowladda ayaa la wareegay xarunta dowladda hoose ee gobolka Banaadir, Arrintan
ayaa imaneysa kaddib markii Madaxweynaha Soomaaliya uu xilka ka qaaday
Guddoomiye Taabid oo xilkan hayay muddo ku dhow sagaal bilood, iyadoo lagu
bedelay Wasiirkii Warfaafinta Eng. C/raxmaan Cumar Cusmaan (Yariisoow)
19 Febraayo 2018 -
Waxaa Muqdisho la keenay dhallinyaro Soomaali ah oo laga soo daayay xabsiyada
dalka Liibiya. Dowladda soomaaliya ayaana guddi u saartay howsha soo daynta
maxaabiista Soomaalida ee Libiya ku xiran.
April 9, 2018 -
Gudoomiyaha Golahashacabka Maxamed Sheekh Cusmaan Jawaari ayaa si rasmi ah u
xaqiijiyey in uu go'aansaday in uu xilka iska casilo xilkii uu hayay, Gudoomiyuhu
wuxuu sheegay in go'aankan uu qaatay si uu burbur uga badbaadiyo Baarlamanka.
Juun 16, 2018 -
Ra’iisul wasaaraha Itoobiya, Abiy Axmad ayaa soo gaaray Muqdisho ka dib
casuumaad uu ka helay Madaxweynaha Soomaaliya.
Dr Abiy ayay u aheyd markii
ugu horeysay ee uu Soomaaliya yimaado tan iyo intii uu la wareegay xilka ugu
sareeya Itooobiya, Waxaana garoonka Diyaaradaha ee Aadan Cabdulle ku soo
dhaweeyay xubno ka tirsan dowladda Soomaaliy oo uu hogaaminayay Madaxweyne
Farmaajo.
October 4, 2018 -
Muqtaar Roobow Abuu Mansuur oo horay uga mid ahaa hoggaamiyeyaasha Al-Shabaab
balse ka baxay ayaa ku dhawaaqay in uu yahay musharax.
9 Nofembar 2018 Seddex-
Qarax oo ah gawaari waxyaabaha qarxa lagu guray waxaa lagu weeraray Hotel
Saxafi ee Muqdisho, Al-Shabaab ayaana sheegatay masuuliyadda qaraxyadii
Hotelkasi lagu weerary ka dhacay galabta.
27 Oktoobar 2018 Waxaa
Muqdisho ka furmay markii ugu horreysay shirka kooxda xiriirka Soomaaliya ee
OIC, waxaana ka qeyb galay qaar kamid ah wasiirada arrimaha dibadda iyo wakiilo
matalayo dalalka xubinta ka ah ururkan.
Ra'iisul wasaaraha Soomaaliya
Xasan Cali Kheyre oo furay shirka OIC ayaa sheegay in shirkan uu albaabada u
furi doono dalka Soomaaliya sidii uu ugu tallaabsan lahaa guulo hor leh, isla
maalintaa waxaa gaba gabadiisa laga soo saaray warmurtiyadeed ka kooban
20-Qodob.
November, 09, 2018 -
Qaraxyo xoogan iyo rasaas is xig xigta ayaa ka dhaceen Muqdisho iyadoo
qaraxyada ay ka dhaceen dhismaha hotelka Saxafi oo ka soo horjeeda xarunta
danbi-baarista CID-da ee KM4 ee Muqdisho.
Dad u badanaa rayid ayaa ku
naf waayay weeraradaasi halka tiro kalena ay ku dhaawacmeen, Iyadoo
Mas’uuliyaddana ay sheegatay Al-shabaab.
November 9, 2018 –
Ethiopian ayaa markii ugu horreysay duulimaad toos ah ka bilowday
magaalada Muqdisho, Diyaarada Ethiopian Airlines ayaa ka mid noqotay duulimaadyada
caalamiga ee soomaaliya yimaada.
13 December2018 - Waxaa
magaalada Muqdisho soo gaaray madaxweynaha dalka Eritrea , Isias Afawarki
iyadoo si weyn loogu soo dhoweeyey magaalada Muqdisho.
Madaxweynaha dowladda
federaalka Soomaaliya, Maxamed C/laahi Farmaajo, wasiirro, xildhibaanno,
ciidamada qalabka sida iyo dadweyne badan ayaa soo dhoweeyey wafdiga uu
hoggaaminayo madaxweyne Isias Afawarki.
December 13, 2018 - Magaalada
Baydhabo ee gobolka Baay ayaa ciidamo ay ku xireen Sheikh Mukhtaar Roobow
isla maalinkaasina waxa loo talaabiyay Muqdisho isagoo maxbuus ah,Doorashadii
maamulka KGS waxey ku dhaaftay xabsi
December 13, 2018 Waxaa
Muqdisho soo gaaray madaxweynaha dalka Eritrea , Isias Afawarki iyadoo si weyn
loogu soo dhoweeyey Garoonka Aadan Cadde ee Muqdisho.
Madaxweynaha dowladda
federaalka Soomaaliya, Maxamed C/laahi Farmaajo, wasiirro, xildhibaanno,
ciidamada qalabka sida iyo dadweyne badan ayaa soo dhoweeyey wafdiga uu
hoggaaminayo madaxweyne Isias Afawarki.
December 18, 2018 - Shirkadda
Kenya Airways oo ay Dowladda Kenya leedahay ayaa ugu dambeyntii
go’aamiyeen inay bilaabaan Duullimaadyadda Tooska ee isku xiri doona Kenya iyo
Somalia.
Shirkadda Kenya Airways waxay
horey 2 jeer u hakisay Duullimaadyadaasi, oo horey qorshuhu ahaa inuu bilowdo
bishii hore ee November 15-dii.
December 19, 2018 -
Baarlamanka maamulka Koonfur Galbeed ayaa doortay madaxweyne cusub, kaddib
doorasho laga hor joogsaday, Mukhtaar Roobow.
Wasiiru-Dowlihii hore ee
wasaraada Ganacsiga iyo Warshadaha soomaaliya Cabdicasiis Lafta Gareen ayaa
noqday madaxweynaha 2aad ee Maamul Goboleedka Koonfur Galbeed, isagoo wareegii
1aad 147 xildhibaan oo codkooda dhiibtay ka helay 101 ka mid ah, oo ah in ka
badan laba meelood saddex meel codadka guud, Waxaa xilkaasi kula tartamayay
afar musharax oo kale.
22 December 2018 -
Qaraxyo Al-Shabaab ay sheegatay masuuliyadooda oo ka dhacay Muqdisho gaar ahaan
isgoyska Tiyaatarka iyo taalada Daljirka,Dad bandan waxaa ka soo gaaray Khasaare
dhimasho iyo dhaawac.
December 22, 2018 -
Qaraxyo xooggan oo loo adeegsaday gawaari ayaa ka dhacay isgoysyada Tiyaatarka
qaranka iyo taalada dajirka daahsoon ee Muqdisho, waxaa halkaasi ka dhashay
khasaare isugu jira dhimasho, dhaawac iyo Burbur hantiyadeed, Qaraxyadaasi oo
ay mas’uuliyaddooda ay sheegteen Al-shabaab waxaa dadka ku dhintay ka mid ahaa
Wariye Cwil Daahir Salaad.
23 Febraayo 2018 Inta la
xaqiijiyay 15 qof ayaa ku dhimatay laba qarax oo ka dhacay Muqdisho gaar ahaan
meelo u dhow madaxtooyada iyo dhismaha ciidammada Nabad Sugidda Soomaaliya.
Qaraxyada waxaa loo adeegsaday
gawaari laga buuxiyay waxyaabo qarxa waxaana ka dambeeyay rasaas aad u xoog
badan, Mas’uuliyaddana waxaa sheegatay kooxda Al-shabaab.
December 30, 2018 -Xildhibaanada
golaha shacabka Soomaaliya ayaa cod aqlabiyad leh waxa ay ku ansixiyeen
miisaaniyada dowlada ee sanadka 2019-ka.
Kulanka Golaha shacabka waxaa
goob joog ka ahaa 174-Xildhibaan ,Waxaa ogolaaday in la meel mariyo
miisaaniyada golaha dhamaan Xildhibaanada kulanka joogay oo ahaa 174-Xildhibaan
mana jirin Xildhibaan diiday ama ka aamusay.
Nurre Mohamed Ali ,Hiiraan Online
[email protected]