Isniin, December, 31, 2018 (HOL)- Deke Duncan
oo ah 73 jir farsame yaqaan ah, una dhashay dalka Ingiriiska ayaa muddo hadda
laga jooo 44 sanno waxaa uu sameystay idaacad ay dhageysan jirtay xaaskiisa oo
keliya.
Ninkan oo intaas oo sano aanan heysan dhagestayaal kale oo ku taxan
barnaamijyadiisa ayaa haatan isu diyaarinaya in uu ballaariyo
dhageeysteyaashiisa, waxaana uu raadiyahiisa ka baahin jiray barnaamijyo
madadaalo ah.
Beer uu leeyahay Deke oo ku taalla magaalada Stevenage ayuu na ka bilaabay
raadiyaha, oo uu ka ciyaari jiray codad uu duubay.
Hadal heynta Deke Duncan ayaa qabsatay guud ahaan dalka UK, kadib markii
telefishanka BBC-da laga baahiyay warbixin ka hadleysa shaqada uu hayay iyo
qaabka uu u qaban jiray.
Deke ayaa barnaamijka BBC raadiyo 3 laga siiyay barnaamij gaar ah oo
soconaya muddo hal saac ah, loogu na tala galay dhamaadka sanadkaan 2018-ka.
Mr Duncan ayaa sheegay in hamigiisa raadihaya uu biloowday sanadkii
1960-dii, kadib markii uu dhageysan jiray raadiye lagu magacaabi jiray
Caroline, waxaana intaa kadib uu sameystay Radio 77 oo agabkiisa laga soo
iibiyay dalka Mareeykanka.
Hasayeeshee raadiyehiisa ma uusan lahayn shati uu ku howgalo, sidaa darteed
na waxa ay danta ku khasabtay in uu qolkiisa dhigto sameecadaha oo ay
dhageysato xaaskiisa Teresa oo keliya. Ninkan ayaa dhamaadka toddobadkasta soo
tabin jiray barnaamijyo aan kala go' lahayn.
Deke ayaa ilaa iyo haatan waxa uu wali soo tebiyaa barnaamijka Radio 77 oo
xaskiisa oo kaliya ay dhageesato. Hamiga ninkan uu u hayo tabinta raadiyaha
ayaa qabsatay dhamaan warbaahinda dalka Ingiriiska oo ay ka mid tahay BBC-da,
waxaana uu sheegay in uu aad ugu faraxsanyahay in sidaan looga hadal hayo
warbaahinta dalkiisa.
BBC
