3/29/2024
Today from Hiiraan Online:  _
Wararka Maanta- Axad, Dec 30, 2018
Dr. Cali Ciise Cabdi oo saddex qodob u ballan-qaaday shacabka Puntland

Axad, December, 30, 2018 (HOL)-  Dr. Cali Ciise Cabdi ayaa maanta kaga dhawaaqay magaalada Garoowe inuu yahay musharrax u tartamaya kursiga madaxweynaha Puntland doorashada dhacaysa siddeeda bisha Jannaayo ee sannadka 2019ka.

"Dowladnimada waa Amni sugan, dhaqaale hufan, sinaan iyo caddaalad ... Aniga intaas ayaan u ballanqaadaya shacabka inan ka dhabeyn doono." ayuu yiri Dr. Cali Ciise oo khudbad kooban ka jeediyay munaasabad uu ku shaaciyay musharraxnimadiisa.

Dr. Cali oo  toddobaad ka hor maalinta doorashada ee Puntland ku dhawaaqey inuu isu soo taagey tartanka xafiiska Madaxweynaha Puntland kama hadlin sababta ku kaliftey ee saacaddan danbe soo kicisey in uu u tartamo xilka Madaxweynaha,waxaana uu sheegay tallo iyo dadkii uu la wadaagay inay soo dhaweeyeen , isagoo hoosta ka xariiqey in aysan soo kicin dan shakhsiyadeed.

Sidoo kale, ma uusan soo hadal qaadin halka ay ku danbeysey qaddiyadii uu muddada dheer aaminsanaa ee ahaa in Sool iyo Cayn si gaar ah aayahooda uga tashtaan iyaga oo laga goynayo Puntland.Musharraxu si gaar ah ugama hadlin xaaladda gobolka Sool ee intiisa badan ka maqan yahay maamulka Puntland iyo waxa uga qorsheysan.

"Wixii mideynaya umadda reer Puntland ,umadda Soomaaliya dhammaanted kuna ridaya tubta lagu gaarayo astaanta dowladnimadda inan waxaan awood ,garasho aan leeyahay inan ku dadaallo". ayuu ku daray hadalkiisa Dr. Cali Ciise .

Munaasabadda  Dr. Cali Ciise uu ku shaaciyey musharaxnimadiisa waxaa ka hadley Siyaasi Cabdi Ibraahim Warsame oo loo yaqaan Cabdiqawdhan oo maalmo ka hor ku dhawaaqey in uu yahay Musharax xilka Madax-weyne ku-xigeen ee Puntland, Cabdiqawdhan waxay raas ama jifi hoose wadaagaan Siyaasi Dr. Cali Ciise Cabdi. Qawdhan ayaa sheegay in iyaga tabartoodu halkaas gaarsisey sidaasna ula muqatey in ay isu sharaxaan Madaxweyne ku-xigeen laakiin hadda dusha looga yimid, si rasmi ah uguma dhawaaqin in uu ka qaybgalka tartanka Madaxweyne -kuxigeenka isaga hardhey laakiin waxa uu muujiyey in uu isaga hadhi karo.

Gabagabadii, waxaa xafladda hadallo ka jeediyay Isimmo ay ka mid yihiin Ugaas Xasan Ugaas Yasiin, Beldaaje Cali Faarax, garaad Cabdullaahi Cali Ciid, Beeldaaje Ismaaciil beeldaaje Yaasiin, Suldaan Burtinle iyo qaar kale waxaana ay dhamaantood ugu duceeyeen musharaxa in haddii kheyr ugu jiro rabbi la garab galo.

Iman Mohamed Jama, Hiiraan Online
[email protected]













Click here
12/30/2018 4:30 PM EST
Axad, December, 30, 2018 (HOL)- Madaxweynihii hore ee Puntland Cabdiraxmaan Faroole ahna Xildhibaan ka tirsan Aqalka Sare ee Soomaaliya ayaa dhaliil kulul dusha uga turay madaxweynaha xilkiisa sii dhamaanaya ahna musharrax Madaxweyne Cabdiweli Cali Gaas

12/30/2018 4:10 PM EST
Axad, December, 30, 2018 (HOL)- Musharrixiinta xilka madaxweynaha Puntland ee doorashada bisha Jannaayo ee sannadka 2019ka oo maanta kulan ku yeeshay magaalada Garoowe ayaa ka hadlay arrimo la xiriira doorashada.

12/30/2018 3:17 PM EST
Axad, December, 30, 2018 (HOL)- Golaha wasiirrada xukuumadda federaalka Soomaaliya oo maanta yeeshay kulankoodii ugu dambeeyay sannadka 2018, ayaa ansixiyay hindise sharciyeedka maamulka dakhliga oo ay golaha usoo gudbisay wasaaradda maaliyadda dalka.

12/30/2018 11:29 AM EST
Axad, December, 30, 2018 (HOL)- Alle ha u naxariistee waxaa galabta magaalada Muqdisho ku geeriyooday xildhibaan ka tirsanaa Golaha Shacabka Soomaaliya oo lagu magacaabi jiray Axmed Mayow Cabdalla (Kornel Ruush)

12/30/2018 10:29 AM EST
Axad, December, 30, 2018 (HOL)-Shirweynihii qaran ee saxaafada ee wasaaradda warfaafintu soo abaabushay oo socday laba cisho ayaa maanta laga soo saaray sagaal qodob oo khuseeya saxaafadda Somaliland.

12/30/2018 10:25 AM EST
Axad, December, 30, 2018 (HOL)-Gudoomiyihii Rugta Gancasiga Somaliland Maxamed Shugri Jaamac, ayaa maanta shaaciyey inuu is casilay,isla markaana xilkii gudoomiyenimana ku wareejiyey ku xigeenkiisa.

12/30/2018 10:01 AM EST
Axad, December, 30, 2018 (HOL)-Fadhi aan caadi ahayn oo ay yeesheen golaha degaanka degmada Laascaanood ayay kaga horyimaadeen go'aan lagu joojinayo dhismaha qaarkii oo ay gudiga nabadgelyadu shalay soo saareen.

12/30/2018 9:56 AM EST
Axad, December, 30, 2018 (HOL)-Wareegto kasoo baxday xafiiska madaxweynaha dowlad goboleedka Jubbaland ayaa lagu magacaabay Gudoomiyaha gobolka J/dhexe.

12/30/2018 8:20 AM EST
Axad, Decebmer, 30, 2018 (HOL)-Magaalada Kismaayo ee xarunta KMG Jubbaland ayaa laga dareemayaa diyaargaroow xooggan iyo abaabul ciidan oo ku aadan howlgallo uu madaxweynaha Jubbaland ku dhawaaqay oo la filayo in dhawaaan ay ka bilowdaan degmooyinka iyo deegaanada Jubbaland.

12/30/2018 7:28 AM EST
Axad, December, 30, 2018 (HOL)-Faah faahinno dheeraad ah ayaa ka soo baxay weerar maleeshiyo belleed ku qaadeen gaari uu la socday guddoomiye ku-xigeenkii degmada Matabaan Faarax Nuur Guure (Faarax Dheere ) oo weerarka lagu dilay isaga iyo ilaalo la soctay.

12/30/2018 7:13 AM EST
Axad, December, 30, 2018 (HOL)-Laba qof ayaa ku dhimatay halka loo yaqaan Dhooba-Guduud oo u dhow tuulada Dandan oo ka tirsan degmada Buuhoodle, kadib markii koox dabley ah ay weerar ku qaadeen dabley hubaysan.

12/30/2018 4:49 AM EST
Axad, Decebmer, 30, 2018 (HOL)-Mudanayaasha Golaha Shacabka ayaa fadhiggoodii maanta ee xarunta Baarlamaanka waxaa ay goor dhaw ku meel mariyeen miisaaniyadda dowladda ee sanadka 2019ka.

12/30/2018 4:13 AM EST
Axad, December,30, 2019 (HOL)-Xildhibaanada Golaha Shacabka ee Baarlamaanka Federaalka Soomaaliya ayaa cod aqlabiyad leh ugu codeeyay xeer hoosaadka golaha shacabka oo dib u eegis lagu sameeyay.

12/30/2018 3:46 AM EST
Axad, December, 30, 2018 (HOL)-Wasiiirka caafimaadka Soomaaliya Fowziya Abiikar Nuur ayaa markii ugu horeysay ka hadashay dibad baxyo iyo gadood shaqo ay sameeyeen shaqaalaha isbitaalka Banaadir ee Muqdisho.

12/30/2018 3:33 AM EST
Axad, December, 30, 2018 (HOL)-Wararka ka imanaya degmada Jilib ee gobolka Jubbada Dhexe ayaa sheegaya in howlgal ay iska kaashadeen ciidamada dowladda iyo kuwa Mareykan ah lagu qaaday saldhiggii ugu weynaa Al-shabaab ee degmada.

12/30/2018 12:53 AM EST
Axad, December, 30, 2018 (HOL)- Ugu yaraan 22 dhinacyadii dagaallamay ah ayaa ku dhintay dagaal culus oo maalintii shalay ciidamada dowladda Soomaaliya gaar ahaan kuwa maamulka Koonfur Galbeed iyo Al-shabaab ku dhaxmaray deegaanka Goofguduud ee gobolka Baay.

12/30/2018 12:28 AM EST
Axad, December, 30, 2018 (HOL)-Waxaa xaaladda degenaasho laga soo sheegayaa deegaanka Kaxandhaale ee xadka gobolka Galguduud uu la wadaago dalka Itoobiya oo labadii cisho ee la soo dhaafay ay ka socdeen dagaallo culus oo u dhaxeeya labo maleeshiyo beelleed.

12/30/2018 12:15 AM EST
Axad, December, 30, 2018 (HOL)-Xildhibaanada Golaha Shacabka ayaa lagu waddaa in oo Axad ah Taariikhduna tahay 30/12/2018, kulan ku yeeshaan xaruntooda Golaha Shacabka ee magaalada Muqdisho.