Madaxweyne Farmaajo oo xafiiskiisa ku qaabilay Carruurta Wariye Cawil Daahir Salaad oo Qarax lagu dilay
Sabti, December, 29, 2018 (HOL)- Madaxweynaha
Jamhuuriyadda Federaalka Soomaaliya Mudane Maxamed Cabdullaahi Farmaajo ayaa
maanta xafiiskiisa waxaa ku booqday qaar ka mid ah carruurtii uu ka geeriyooday
Alle ha u naxariisteen Wariye Cawil Daahir Salaad oo 22-kii bishan ku
geeriyooday Qarax Al-Shabaab ka geysteen magaalada
Muqdisho.
“Waxaa maanta isoo booqday qaar ka mid ah
caruurtii uu ka geeriyooday walaalkeen Cawil Daahir Salaad oo ahaa nin waddani
ah, dalkiisa iyo dadkiisa jecel, hal abuur leh, dowlad-dhisidda Soomaaliyana
kaalin muuqata ka geystay,” ayuu ku yiri madaxweyne Farmaajo qoraal uu soo
dhigay bartiisa Facebooka.
Sidoo kale,Madaxweynaha Soomaaliya Mudane Maxamed
Cabdullaahi Farmaajo ayaa sheegay iney muhiim tahay in la maamuuso dadka
waxtarka u leh Bulshada sida Cawil oo kale lana sii xoojiyo aragtidii
wanaagsaneyd ay xambaar-sanaayeen.
“Dadka waxtarka u leh bulshada sida Cawil oo kale
waxay naga mudanyihiin in la maamuuso oo aragtiyadii wanaagsanaa ee ay
xambaarsanaayeena lasii xoojiyo,argagixisada dilaysa haldoorka ummadda
Soomaaliyeed waa inaan u midownaa oo aan meel uga soo wada jeesannaa,” ayuu ku
yiri madaxweyne Farmaajo qoraal uu soo dhigay bartiisa Facebooka.
C/raxmaan Diini, Hiiraan
Online
[email protected]