Khamiis, December, 27, 2018 (HOL)-Ku-xigeenka Madaxa Ciidanka Midowga Afrika iyo Saraakiil kale ayaa booqday bukaanno kala duwan oo ku jira Isbitaalka AMISOM ee Muqdisho.
Booqashada ayaa sidoo kale waxaa qayb ka ahaa taliyaha Ciidanka howl-galka AMISOM, Jenaraal, Kitila Bulti Tadesse iyo Jenaraal, Michael Kabango, oo ka mid ah Saraakiisha sar-sare ee Ciidanka Midowga Afrika.
Bukaannada ayaa isugu jira, Askar qabta dhaawacyo kala duwan iyo Dad
rayid ah oo lagu dabiibayo halkaasi, iyadoo la guddoonsiiyay Raashiin
fudud oo nafaqaysan iyo waxyaabo kale oo looga tala galay inay
isticmaalaan inta ay Isbitaalka ku jiraan.
Qaybta Labaad ee Isbitaalka AMISOM oo looga tala galay
shaqaalaha howl-galka Midowga Afrika, ayaa sidoo kale lagu qaabbilaa
Ciidamada iyo Shacabka Soomaaliyeed ee u baahan adeegyada caafimaad.
C/raxmaan Diini, Hiiraan
Online
[email protected]
