Xaalada deegaanka Kaxandhaale ee gobolka Galguduud oo degan kaddib dagaal shalay ka dhacay
Khamiis, December,
27, 2018 (HOL)- In ka badan 10 ruux oo ay ka mid ahaayeen Carruur iyo Haween
ayaa ku dhintay dagaal culus oo maalintii shalay deegaanka lagu magacaabo
Kaxandhaale oo dhaca xadka gobolka Galguduud iyo Ismaamulka Soomaalida ku
dhaxmaray labo maleeshiyo beelleed.
Odayaasha deegaanka
ayaa sheegay in dagaalkii shalay uu ahaa mid culus oo labada dhinac isku
weydaarsanadeen hub kala gadisan, xili sida uu sheegay in deegaanku qof waliba
uu mashquul ku ahaa howl-maalmeedkeedii caadiga ahaa.
‘’Dagaalka wuxuu
dhacay xili magaalada aysan-ba ka sii war heyn wax colaad ah, cid kastana ay ku
mashquulsaneyd howl-maalmeedkiidii caadiga ahaa ayeey mar kaliya rasaastu
bilaabatay’’ ayuu yiri mid ka mid ah odayaasha deegaanka oo la hadlay
warbaahinta.
Wuxuu sheegay in
dadka deegaanka ay ku dhinteen ilaa 7 ruux oo ay ka mid ahaayeen Haween iyo
Carruur, isaga oo intaa ku daray in dhinaca kale uusan ka war heyn tirada dadka
ka dhintay dhinac kale.
Xaalada ayaa hadda
saakay degan, waxana ay dadka deegaanku ku waramayaa in qoysaka qaarkood ku
mashquulsan yihiin sidii ay u aasi lahaayeen dadkii ku dhintay dagaalkii
shalay.
Deegaanka uu
dagaalku ka dhacay ayaa soo xiga dhinaca gobolka Galguduud waxaana jira eedeymo
dadka deegaanka u jeedinayaa dhinaca kale ee Ismaamulka Soomaalida oo ay
leeyihiin waxaa laga soo qaaday weerarka.
C/raxmaan Diini, Hiiraan
Online
[email protected]