Talaado, December, 25, 2018 (HOL) – Wasiirka Macdanta
dalka Eritrea General Sibhat Efrem oo ah
shaqsi saameyn badan ku leh xukuumadda Asmara, ayaa lagu waramayaa in si xun loo dhaawacay.
Wasiirka ayaa la sheegay in qof hubeysan uu ku toogtay
meel aan ka fogeyn gurigiisa magaalada Asmara, waxaana wararka la helayo
sheegayaan in nin hubeesan uu u ganbaday kadibna dhaaac culus gaarsiiyay.
Ciidamada ayaa markii danbe la
sheegay in ay qabteen ninka Wasiirka dhaawacay, walina ma jiro wax war ah oo
dowlada ka soo saartay dhaawac loo geestay Wasiirka Macdanta iyo Tamarta
dalkaasi.
Dhaawaca Wasiirka oo ah mid
culus ayaa la sheegay in dalka dibadiisa loo qaaday gaar ahaan waxaa la sheegay
in lagu daweynayo Isbitaal miliari oo Imaaraadka ku yaala , waxaana adag in
faah faahino badan laga helo dhaawaca wasiirka iyo sida hada xaalkiisu yahay.
Wasiirka la dhaawacay ayaa ah
nin saameyn iyo awood badan ku dhax leh dowlada Eritrea, waxa uuna sanado badan
soo ahaa Wasiirka Gaashaandhiga dalkaasi, waxa uu sidoo kale soo qabtay
wasaarado kale iyo duqa magaalada Asmara.
C/raxmaan Diini, Hiiraan
Online
[email protected]
