3/28/2024
Today from Hiiraan Online:  _
Wararka Maanta- Isniin, Dec 24, 2018
Camey: Aniga iyo Madaxweyne Cabdiweli intii aan xukunka haynay waxaan sameynay dayacaad amni, waa in aan cafis dalbano

Isniin, December, 24, 2018 (HOL)- Madaxweyne ku-xigeenka Puntland, Cabdixakiin Xaaji Cumar Camey ayaa sheegay maamulkii uu shanta sanno la shaqeynayay inuu sameeyay dayacaad amni, isagoo soo jeediyay in la joogo waqtigii shacabka ay waydiisan lahaayeen cafis.

Camey ayaa ku weerarray madaxweynaha xilka haya ee Cabdiweli Gaas iyo maamulkii uu hoggaaminayay inay waxbadan ku fashilmeen , isagoo si gaar ah carabka ugu dhuftay amniga, cadaaladda iyo siyaasadda.Waxa uu si cad u qiray in dayacaad dhinaca maamulka ka timid ay salka ku hayso in kooxda al-Shabaab iyo Daacish ay ku xoogeystaan deegaannada Puntland, gaar ahaan gobolka Bari oo ay saldhigyo ku leeyihiin.

Madaxweyne ku-xigeenka Puntland , waxaa kalo u sheegay inay jiraan maxaabiis ka tirsanaa al-Shabaab kuwaasi oo dagaal lagu soo qabtay xabsiyadda uu ka sii daayay madaxweyne Cabdiweli Gaas, waxa uu xusay in dhowr kale oo wali xabsiyadda ku jira inay yihiin kuwa kaliya ee sugaya in lagu fuliyo xukun dil toogasho ah , uuna hortaagan yahay sida u sheegay madaxweyne Gaas.

"Shacabka Puntland, ayaa looga baahanyahay inay raadiyaan sababta dil toogasho loogu fulin waayay". ayuu yiri Camey oo dhanka kale beeniyay inay jiraan xiriir gaar ah oo kala dhaxeeya dowladda federaalka.

Madaxweyne ku-xigeenka Puntland, oo Axaddii munaasabad ka dhacday Garoowe ku shaaciyay inuu u sharraxanyahay mar kale xilka uu hayo, ayaa dhanka kale sheegay Puntland ,dhaqaalo , amni iyo siyaasad ahaanba inaysan u muuqan maamul 20 sanno jirsaday, wuxuuna marka ku weerarray madaxweynaha xilka haya inuu danihiisa gaarka ah ka hormariyay midda Puntland.

Camey iyo Cabdiweli Gaas waxaa ay u sharraxyihiin mar kale xilalkii ay horay u hayeen, iyadoo doorashada madaxweynaha iyo kuxigeenkiisa ay ka dhimantahay wax ka yar saddex toddobaad.

Iman Mohamed Jama, Hiiraan Online
[email protected]













Click here
12/24/2018 2:40 PM EST
Isniin, December, 24, 2018 (HOL)- Ururka Qaranka Suxufiyiinta Soomaaliyeed ee NUSOJ oo garabsanaya Ururka Suxufiyiinta Adduunka ee IFJ ayaa maanta oo ay taariikhdu tahay December 24, 2018 waxaa uu tababar u qabtay 25 wariye oo ka kala socday qeybaha Warbaahinta Magaalada Muqdisho. Tababarkan oo muddo labo maalmood ah soconaya ayaa waxaa uu ka socdaa Hotelka Peace ee magaalada Muqdisho.

12/24/2018 9:56 AM EST
Isniin, December, 24, 2018 (HOL)- Madaxweynaha Jamhuuriyadda Federaalka Soomaaliya ayaa wareegto uu soo saaray waxa uu ku magacaabay Garsooreyaal ka tirsan Maxkmadda Sare ee dalka, keddib soo jeedin ka timid Guddoomiyaha Maxkamadda Sare Mudane Baashe Yuusuf Axmed.

12/24/2018 7:50 AM EST
Isniin, December, 24, 2018 (HOL)- Guddiga xallinta khilaafaadka iyo ansixinta Baarlamaanka Puntland ayaa sheegay in ku dhawaad 200 oo musharrax ay soo gudbiyeen codsiga xildhibaannimo.

12/24/2018 7:38 AM EST
Isniin, December, 24, 2018 (HOL)- Dowladda Itoobiya ayaa bilowday inay hirgeliso ciidamo gaar ah oo ilaaliya madaxda dalkaasi oo ay kamid yihiin wasiirada, madaxweynaha iyo ra'iisul wasaaraha dalkaasi.

12/24/2018 6:41 AM EST
Isniin, December, 24, 2018 (HOL)-Wasiirka Maaliyadda Xukuumadda Federaalka Soomaaliya Dr Cabdiraxmaan Ducaale Beele ayaa sheegay in warbixin kooban uu madaxweynaha Jamhuuriyadda Federaalka Soomaaliya Maxamed Cabdullaahi Farmaajo ka siiyay horumarka Dowladda ka gaartay dib u habeynta iyo hagaajinta hanaanka maaliyadda Dalka.

12/24/2018 5:25 AM EST
Isniin, December, 24, 2018 (HOL)-Ra’iisul wasaaraha Soomaaliya Xasan Cali Kheyre ayaa kormeeray Golaha Murtida iyo madadaalada Qaranka oo ay ka socdaan howlo dib u dhis ah ka dib weerarkii maalin ka hor lagu qaaday.

12/24/2018 3:39 AM EST
Isniin, December, 24, 2018 (HOL)- Dableey hubeysan ayaa Xaafadda Haanta dheer ee Muqdisho ku toogtay qof ka mid ahaa shaqaallaha Wasaaradda Diinta iyo Owqaafta ee Soomaaliya.

12/24/2018 3:32 AM EST
Isniin, December, 24, 2018 (HOL)-Sida ay Goobjoogayaal xaqiijiyeen koox hubeysan ayaa subaxnimadii saakay toogasho ku dishay shaqaale ka tirsanaa Wasaarradda Diinta iyo Awqaafta Xukuumadda Soomaaliya oo lagu magacaabi jiray Sheekh Maxamed Cabdi.

12/24/2018 1:34 AM EST
Isniin, December, 24, 2018 (HOL)-Guddoomiyaha Golaha Shacabka ee Baarlamaanka Federaalka Soomaaliya Maxamed Mursal Sheekh C/raxmaan ayaa xarunta Villa Hargeysa ee Muqdisho kula kulmay guddiga Maaliyadda, Miisaaniyadda iyo Qorsheynta ee Golaha Shacabka.

12/24/2018 1:09 AM EST
Isniin, December, 24, 2018 (HOL)-Wasiirka Wasaaradda Awqaafta iyo Arrimaha Diinta Soomaaliya Xildhibaan, Sheekh Nuur Maxamed Xassan ayaa dalka sacuudiga waxaa uga bilowday booqasho rasmi ah oo uu maalmo kujoogi doono halkaasi.

12/24/2018 12:33 AM EST
Isniin, December,24,2018 (HOL)-Maxkamadda Ciidamada qalabka sidda ayaa goor dhow dil toogasho ah ku fulisay xubin ka mid ahaa Al-Shabaab,kaasoo horay gacanta ugu soo dhigeen Ciidamada Ammaanka dowladda Soomaaliya.