Isniin, December, 24, 2018 (HOL)- Dableey hubeysan ayaa
Xaafadda Haanta dheer ee Muqdisho ku toogtay qof ka mid ahaa shaqaallaha
Wasaaradda Diinta iyo Owqaafta ee Soomaaliya.
Rag ku hubeysanaa Bastoolado oo falkaasi ka dambeeyay
ayaa la sheegay in dilka ka dib in ay ka baxsadeen goobta.
Marxuumka geeriyooday ayaa magaciisa lagu sheegay
Sheekh Maxamad Cabdi kaasi oo wararka aan helnay ay tilmaamayaan in lagu
dilay meel aan ka fogeyn hoygiisa.
Dhinaca kale Sheekh Maxamad ayaa ka mid ahaa bare-yaasha qaar ka
mid ah Jaamacaddaha Muqdisho ku yaalla, Si gaar ah ayuu u dhigi jiray
kulliyadda shareecada.
Madaxda Wasiirka Diinta iyo Owqaafta Soomaaliya oo
xaqiijiyay dilka Sheekh Maxamed ayaa durba waxaa ay tacsi u direen Ehelkii uu
ka baxay.
Ma jirto cid sheegatay mas’uuliyadda dilkiisa,
Waxaana Muqdisho ku soo noq noqday dilalka loo geysto xubnaha ka tirsan
Dowladda iyo dad shacab ah.
22-kii bishan ayay aheyd markii qaraxyo is xigay oo ka
dhacay isgoysyada Dajirka iyo Xaawo Taako ay waxyeelo ka soo gaartay dad badan.
Nurre Mohamed Ali ,Hiiraan Online
[email protected]
