Isniin, December, 24, 2018 (HOL)- Maxkamadda
Ciidamada qalabka sidda ayaa goor dhow dil toogasho ah ku fulisay xubin ka mid
ahaa Al-Shabaab,kaasoo horay gacanta ugu soo dhigeen Ciidamada Ammaanka
dowladda Soomaaliya.
Ninkaan ayaa horay loogu xukumay dil toogasho ah,
ka dib markii la horgeeyay Maxkamadda Ciidamada qalabka sidda.
Maxkamadda Ciidamadda Qalabka Sidda ee Soomaaliya
waxaa ay Saakay Toogasho ku fulisay C/qaadir Abuukar Shaacir oo ka tirsanaa
Al-shabaab, una qaabilsanaa in uu Gawaaridda Qaraxyadda ah dhigo Goobaha ay
Shacabku ku badan yihiin sidda ay baahisay warbaahinta dowladda.
Ninkan waxay Ciidamadda Ammaanku ku qabteen
Bishii May ee Sannadkan Degmadda Xamar-wayne xilli uu halkaasi dhigay Gaari
Qarax ah, waxaa sidoo kale uu ahaa Shaqsigii dhigay Gaariga Qaraxa ah Agagaarka
Wasaaradda Amniga Qaranka sidda ay sheegtay Maxkamadda Ciidamada.
Goobaha la qarxiyay ee uu gacanta ka geystay :
1. Taariikhdu markay ahayd 13/03/2017, Qaraxii ka dhacay afaafka hore
ee Hotel Wehliye, halkaasoo ay ku geeriyoodeen 10 ruux, kuna
dhaawacmeen 17ruux oo kale.
2. Taariikhdu markay ahayd 05/04/2017, wuxuu geeyay Baabuur Saaruf ah
oo ay ka buuxaan walxaha qarxa Maqaayad kasoo horjeeda Wazaarada
sportiga agagaarka xaruntii wasaarada Amniga, qaraxaas oo ay ku
geeriyoodeen 9 ruux, kuna dhaawacmeen 10 ruux oo kale.
3. Sidoo kale wuxuu soo sahmiyay Qaraxii ka dhacay Baar Italia
Taariikhdu markay ahayd 08/05/2017, halkaasoo ay ku geeriyoodeen 7 Ruux
kuna dhaawacmeen 11Ruux oo kale.
4. , taariikhdu markay ahayd 15/5/2017., ciidamadu amnigu waxay ku
qabteen C/qaadir Abuukar Shaacir Max’ed isagoo wado gaarigii qaraxa ahaa
ee ku qarxay Degmada X/wayne gaar ahaan EX. Eenaayo.
Maxkamadda darajada koowaad ayaa 6-dii bishii 12aad ee sanadkii hore
2017 ku xukuntay dil toogasho ah, waxaana maanta oo taariikhda tahay 24
bisha 12aad sanadka 2018 lagu fuliyay dil toogasho ah.
C/raxmaan Diini, Hiiraan
Online
[email protected]
