Axad, December, 23, 2018 (HOL) – War
qoraal ah oo ka soo baxay Urur Goboleedka IGAD ayaa lagu sheegay in ay siweyn u
taageersanyihiin guulaha ay ku talaabsanayso dowladda Federaalka
Soomaaliya,ayna diyaar u yihiin sidii taageero ay ula garab istaagi
lahaayeen,dhismaha maamulada oo horseedaysa in doorasho qof iyo cod ah ay dalka
ka dhacdo sanadka 2020.
Sidoo kale waxaa ay sheegeen in ay soo
dhaweynayaan go’aanada dowladda Soomaliya ee ku aadan in doorasho xor iyo xalal
ah ay dalka ka dhacdo,si loo xaqiijiyo in dhamaan lagawada qeybgalo,iyadoo loo
maraya geedi socodka siyaasadeed ee dalka.
“IGAD waxaa ay dhiiro-gelinaysaa hanaanka
dimoqraadiyadeed ee ka hana qaadaya Soomaaliya, lana xoojinayo
dowladwanaaga,iyo in si guud ay dadku uga qeybgalaan dhismaha dowladnimada si
ay u helaan xuquuqaadkooda muwaadanimo,waxaana IGAD ay sii wadi doontaa in
Soomaaliya ay garab istaagto si midnimo loo helo waqtigan adag ee lagu guda
jiro,si degnaansho iyo nabad waarta dalka loogu soo dabaalo”ayaa lagu yiri
qoraalkaasi.
Dowrka ciidamada AMISOM ee jooga Soomaaliya waxaa
uu yahay in ay ka qeyb qaataan amaanka iyo xasiloonida Soomaaliya,sidaasi
daraadeed ayaa lagu yiri qoraalkaasi IGAD waxaan naga go’an in aan fulinno
balanqaadkii ahaa in dowladdu go’aanadeedi siyaasadeed ay u
madaxbanantahay,waxaana muhiim ah in la sameeyo tirikoob iyo midnimmo qaran oo
dalka uu yeesho.
C/raxmaan Diini, Hiiraan Online
[email protected]