Jimco, December, 21, 2018 (HOL)- Taliska ciidanka
Nabad Sugidda iyo Sirdoonka Qaranka ee NISA ayaa wuxuu sheegay inuu gacanta ku
dhigay nin ka tirsan Ururka Al Shabaab, kadib hawlgal gaar ah oo ay
fuliyeen Ciidanka NISA.
Hay’adda NISA ayaa sheegtay hawlgalkan uu ahaa
mid qorsheysan islamarkaana sarkaalkan waqtiyo badan baadi goob iyo dabagal ay
ciidamada ku hayeen.
Hawlgalkan ayaa inta uu socday waxaanan jirin cid
wax ku noqotay, ninka la soo qabtay ayaa waxa la geeyay mid ka mid ah xarumaha
baarista ee ciidanka dowladda federaalka.
Shaqsiga la qabtay ayaa lagu sheegay in uu madax
u ahaa koox Gawaaridda ku dhejisa waxyaabaha qarxa.
Ninkaan la soo qabtay lama soo bandhigin sidoo
kalena lama hayo magaciisa, balse Taliska NISA ayaa shaaciyay in la qabtay,
hadana ay ku jiro gacanta dowladda.
C/raxmaan Diini, Hiiraan
Online
[email protected]