Khamiis,
December, 20, 2018 (HOL)- Dowladda
Soomaaliya ayaa sheegtay in Muqdisho ay soo gaareen lagu-na soo dhaweysay wafdi
uu hogaaminaayo Xassan Nuur Xasan Wasiir ku xigeenka Wasaaradda Isboortiga
Kenya.
Wasiirka Wasaaradda Dhallinyarada iyo
Isboortiga Soomaaliya, Khadija Maxamed Diriye ayaa wafdigaan soo
dhaweysay waxaana la tilmaamayaa in ay wasaaradeedu casuumaad rasmi ah u
fidisay.
Saraakiil ka tirsan Madaxdooda,
Wasiirka Wasaaradda Cadaaladda soomaaliya, Xildhibaano katirsan Labada
gole Baarlamaanka Soomaaliya, iyo Dhallinyaro matalaayey xiriirrada Sportiga
Dalka ayaa sidoo kale soo dhaweynta wafdigaan qeyb ka ahaa.
Wafdigaan oo Muqdisho joogi doona
mudo 4 Cisho ah, ayaa wadada tashiyo ku aaddan horumarinta ciyaaraha Labada Dal
waxay la yeelan doonaan madaxda wasaradda Isboortiga Soomaaliya iyo kuwa
xiriirada ciyaaraha Dalka .
Wasiirka Dhalinyarada iyo ciyaaraha
Soomaalia Khadiijo Diiriye ayaa sheegtay wafdigan in uu qeyb ka yahay
latashiyo wasaaraddu la sameyneyso Dalalka dariska ah oo lagu horumarinayo
ciyaaraha dalka.
Xasan Nuur Xasan Wasiir kuxigeenka
Isboortiga hiddaha iyo dhaqanka Kenya ayaa sheegey imaatinka Muqdisho inu ku
faraxsanyahay , muddada uu joogana wadatashiyo la xariira horumarinta ciyaaraha
Labada Dal uu la qaadan doono Madaxda ciyaaraha ee martiqaadday.
Nurre Mohamed Ali ,Hiiraan Online
[email protected]