3/29/2024
Today from Hiiraan Online:  _
Wararka Maanta- Khamiis, Dec 20, 2018
Odayaal soo qabtay laba qof oo nin ku dilay deegaanka Dararweyne ee gobolka Sanaag

 

Khamiis, December, 20, 2018 (HOL)- Odayaasha deegaanka Ceel afweyn ayaa gacanta dawladda ku soo wareejiyey laba qof oo ku eedeysan gacan ku dhiigle deegaanka Dararweyne qof socota ah ku dilay, taas oo muddo laga sugayey inay odayaashu soo qabtaan dambiileyaashaasi.

Labadan qof ee ku eedeysan gacan ku dhiiglaha ayaa magacyadooda la kala yidhaahdaa Cabdirisaaq Cawild Ducaale iyo Axmed cabdi Cawad cabdulle, waxaana lagu wareejiyey dawladda, iyagoo ay goob joog ka ahaayeen odayaashii marxuumkii ay hore u dileen ka soo jeeday.

Odayaal u hadlayey marxuumkii hore loo dilay ayaa sheegay labadaasi gacan ku dhiigle lagu soo wareejiyey dawladda, isla markaana ay uga mahad celinayaan odayaashii ka hawlgalay soo qabashada dambiileyaashaasi dilka gaystay.

Sidoo kale, odayaasha soo qabtay labadan gacan ku dhiigle ayaa cadeeyey inay gacanta dawladda ku soo wareejiyaan oo sharciga la hor geyn doonno.

Dilkan ayaa ka dhacay deegaanka Dararweyne, waxaana marxuumka la dilay la odhan jirey Saleebaan Xuseen Maxamed, waxaana dilkaasi dhacay bishiii 5/11/2018, taas oo muddo lagu daba jiray soo qabashada ka dib markii lagu heshiiyey in qofkii qof dilla ay soo qabtaan odayaashiisu, halka beeshan hadda loo soo qabtay ay iyaguna nin xaaskiisii dilay soo qabteen ka dibna lagu wareejiyey gacanta dawladda.

Badhasaabka gobolka Sanaag Maxamed Axmed Tiimbiro ayaa u mahadnaqay odayaashii mudadda ku jiray soo qabashada dambiileyaasha,isla markaana sheegay in qof kasta oo qof dila sidaas loo soo qaban doono si aanu dambiilihii dambiga gaystay aanu reer u noqon ee uu shakhsi u noqdo.

“Waxaan cadaynaya sida odayaashu sheegeen dhacdaddii u dambaysay ee ka dhacday Dararweyne bishii 11aad shanteedii,2018  ee lagu dilay marxuum Saleebaan Xuseen Maxamuud inay nagu soo wareejiyeen labadaasi gacan ku dhiigle ku eedeysan oo ay hada ku jiraan gacanta dawlada”ayuu yidhi taliyaha qaybta booliska ee gobolka Sanaag.

 

Deegaanka Dararweyne ee gobolka Sanaag ayaa waxa ka dhici jirey dagaalo beeleed soo noqnoqday, taas oo ka dhalan jirey dad kala aargoosanayey oo marka qof la dilaba,isla markiiba beeshii qofka la dilay intay soo duulaan kuwo wax dilay beeshooda dad ka soo layn jirey, haseyeeshee waxa hadda lagu heshiiyey in wixii hore lskaga dilay magta la bixiyo, qofkii dambe oo qof dilla ay odayaashiisu soo qaban doonaan si sharciga loo horgeeyo, taasina waxay keentay in deegaankii nabadi ka hirgasho.

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
12/20/2018 2:44 PM EST
Khamiis, December, 20, 2018 (HOL)- Ra’iisul Wasaaraha xukuumadda Federaalka Soomaaliya, Mudane Xasan Cali Khayre, ayaa u hambalyeeyey Madaxweynaha cusub ee Dowlad Goboleedka Koonfur Galbeed Mudane Cabdicasiis Xasan Maxamed Laftagareen oo ku guuleystay doorashadii ka qabsoontay Koonfur Galbeed.

12/20/2018 2:32 PM EST
Khamiis, December, 20, 2018 (HOL)- Kulanka Khamiislaha ah ee golaha wasiirrada xukuumadda federaalka Soomaaliya oo maanta uu guddoomiyay ra'iisul wasaare Xasan Cali Khayre ayaa lagu meel mariyay wax ka bedel lagu sameeyay sharciga iibka qaranka.

12/20/2018 11:35 AM EST
Khamiis, December, 20, 2018 (HOL)- Guddoomiyaha Golaha Shacabka Maxamed Mursal Sheekh Cabdiraxmaan ayaa qoraal ka soo baxay waxaa in markii uu dhinacyo badan ka eego mooshkii dhawaan laga keenay madaxweynaha dowladda Soomaaliya ugu danbeyntii go'aan lagu gaaray in laga tanaasulo mooshinka.

12/20/2018 11:04 AM EST
Khamiis, December,20, 2018 (HOL)-Dowladda Soomaaliya ayaa sheegtay in Muqdisho ay soo gaareen lagu-na soo dhaweysay wafdi uu hogaaminaayo Xassan Nuur Xasan Wasiir ku xigeenka Wasaaraddda Isboortiga Kenya.

12/20/2018 8:29 AM EST
Khamiis, December, 20, 2018 (HOL)- Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo maanta ka qayb-galay xuska sannad guurada 75aad ee ka soo wareegtay aasaaskii Ciidanka Booliiska Soomaaliyeed ayaa hambalyo u diray saraakiisha, saraakiil-xigeennada, alifleyda, dableyda iyo dhammaan qeybaha kala duwan ee ciidanka Booliiska Soomaaliyeed iyo qoysaskooda.

12/20/2018 6:12 AM EST
Khamiis, December, 20, 2018 (HOL)- Wareegto ka soo baxday Xafiiska Wasiirka Arrimaha Gudaha Dowlad Goboleedka Hirshabeelle Maxamed Cali Caadle ayaa xilalkii looga qaaday guddoomiyayaashii degmooyinka Buula-burte iyo Jalalqsi ee gobolka Hiiraan, waxaana wareegtada lagu magacaabay guddoomiyayaal cusub.

12/20/2018 5:31 AM EST
Khamiis, December, 20, 2018 (HOL)-Dowladda Mareykanka ayaa shaacisay in ciidamadii ka joogay Suuriya ay halkaasi kala soo bixi doonto.

12/20/2018 1:41 AM EST
Khamiis, December, 20, 2018 (HOL)- Hagaajinta amaanka duulista hawadda iyo xaalada guud ee wadanka ayaa sababtay in shirkaddo caalami ah bilaabaan duulimaadyo toos ah oo ay ku imanaya Garoonka diyaaradaha Aadan Cadde Airport ee magaalada Muqdisho.

12/20/2018 1:40 AM EST
Khamiis, December, 20, 2018 (HOL)- Hagaajinta amaanka duulista hawadda iyo xaalada guud ee wadanka ayaa sababtay shirkaddo caalami ah bilaabaan duulimaadyo toos ah oo ay ku imanaya Garoonka diyaaradaha Aadan Cadde Airport ee magaalada Muqdisho.

12/20/2018 12:34 AM EST
Khamiis, December, 20, 2018 (HOL)-Madaxweynaha dowladda Soomaaliya Maxamed Cabdullaahi Farmaajo, saraakiisha ciidamada iyo mas’uuliyiin ka tirsan hay’addaha kala duwan ee dowladda ayaa lagu wadaa in ay maanta ka qeybgalaan xuska 75 sano guuradii ka soo wareegtay Aas-aaska Ciidanka Booliiska Soomaaliyeed.