Soomaaliya oo laga xusayo 75 sano guuradii ka soo wareegtay Aas-aaska Ciidanka Booliiska
Khamiis, December, 20, 2018
(HOL)-Madaxweynaha dowladda Soomaaliya Maxamed Cabdullaahi Farmaajo,
saraakiisha ciidamada iyo mas’uuliyiin ka tirsan hay’addaha kala duwan ee
dowladda ayaa lagu wadaa in ay maanta ka qeybgalaan xuska 75 sano guuradii ka
soo wareegtay Aas-aaska Ciidanka Booliiska Soomaaliyeed.
Amaanka magaalada Muqdisho ayaa
siweyn loo adkeeyay waxaana la xiray dhamaanba jidadka muhiimka ah iyo
isgoysyada caasimada, waxaana la diiday in ay isticmaalaan gaadiidka
dadweynaha.
Ciidanka Booliiska Soomaaliyeed ayaa la aas-aasay
sanadkii 20 Dec 1943kii waxaa lagu tilmaamaa in Booliisku yahay hooyada dhamaanba
ciidamada kala gadisan ee qalabka sida.
Waajibaadka saaran Ciidanka Booliiska
Soomaaliyeed ayaa ah sugida Nabad-galyada gudaha, ka hortagida falalka ka
dhanka ah Amniga iyaga oo haddii loo baahdo kaashanaya ciidamada xoogga dalka
Soomaaliyeed.
Inkastoo Ciidanku uu soo maray waqti iyo waayo u
wacnaa marka la eego gudashada waajibaadkkooda shaqo ayaa haddana la oran karaa
maanta kuwo ka soo kabanaya waayihii adkaa ee soo maraya dalka, waxaana
soconaya dadaallo la doonayo dib loogu soo celiyo cududdii ay lahaayeen
dhamaanba ciidamada qalabka sida.
C/raxmaan Diini, Hiiraan
Online
[email protected]