Axad, December, 02, 2018 (HOL) – Nin la sheegay inuu ku hubaysnaa
bastoolad ayaa nin askari ah ku dhaawacay magaalada Laascaanood caawa, kaas oo
lagu daaweynayo isbitaalka.
Ciidanka Booliska ayaa raadgoobay
ninka falka geystey oo goobtaas ka baxsaday kadib markii ciidan halkaas ka
dhawaa ay rasaas ku soo rideen sida ay goobjoogayaal u xaqiijiyeen HOL.
"Waxaan maqlay xabad dhacday
xiligaas oo aan fadhiyey Hotel Rays hadaan kacnay aniga iyo dhawr kale waxaan
maqalay rasaas, waan gabanay waxyar ka dibna waxaan aragnay ninka dhaawaca oo
meel dhow yaala, mase cadayn karayn wixii kale ee dhacay iyo in aan arkaayey
ciidan sii ordaya oo halkii la sheegay ninka wax diley inuu maray u sii
socda" Maxamed Cabdi Cali ayaa sidii Hiiraan u sheegay.
Saraakiisha ciidanka booliska oo aan
la xidhiidhnay qaar ka mid ah waxa ay sheegeen in ay hawlgal ku jiraan, noomase
sheegin in la qabtay.
Askarigan la toogtey ayaa gaadh ka
hayey mid ka mid ah hotelada badanaa madaxdu wax ka cunaan, waxaana ay tani
kaga duwan tahay dhacdooyin badan oo noocan ah iyadoo isla goobtaas ay ciidan
boolis ahi ku dhowaayeen.
Seynab Cabdi Warsame
Laascaanood G. Sool