Axad, December, 02, 2018 (HOL)–Dhagax-yo waaweyn ayaa habeennimadii xalay xiray Isgoyska mashquulka badan ee
Zoobe gaar ahaan halka ay gaadiidku ku kala wareegaan oo ay ku taalo tallaada
14ka October oo lagu maamuusayo Qaraxii sanadkii hore ka dhacay Isgoyska.
Amarka lagu dhigay Dhagax-yadan
isgoyska ayaa waxaa bixiyay maamulka gobolka Banaadir, waxaana ay ujeedadu tahay in lagu yareeyo saxmada iyo
ciriiriga Isogyska oo ah mid ka mid ah kuwa ugu mashquulka badan magaalada
Muqdisho.
Markiiba waxaa tallaabadan ka hor
yimid oo cabasho ka keenay darawalada gaadiidka dadweynaha oo sheegay in ay
dhibato ku tahay soo marista wareeg dheer oo waqti badan kaga lumayo.
Darawalada ayaa sidoo kale sheegay
in dhagaxaanta lagu gooyay waddada aysan waxba soo kordhin doonin, laakiin ay
sii kordhin doonaan oo kaliya cariiriggii markii horeba ka jiray waddadan.
Isogyska ayaa waxaa lagu
xasuustaa Qaraxii 14kii October ee sanadkii tagay ee 2017da kaa oo galaaftay
nolasha Boqolaal ruux oo rayid u badnaa.
Dowladda ayaa sheegtay in tallaabadan ay u qaaday
si ay u yareyso saxmada Isogyska oo loo sababeey-nayo in tiro dad ah oo ka
badan 600 oo ruux sanadkii hore halkaa ku dhintaan.
C/raxmaan Diini, Hiiraan
Online
[email protected]
