3/28/2024
Today from Hiiraan Online:  _
Wararka Maanta- Arbaco, Dec 19, 2018
Wasiirka Waxbarashadda Soomaaliya oo Xafiiskiisa ku qaabilay Safiirka cusub ee dawladda Suudaan

Arbaco, December, 19, 2018 (HOL)- Wasiirka Wasaaradda Waxbarashada, Hiddaha iyo Tacliinta Sare ee Xukuumadda Federaalka Soomaaliya ,Cabadullaahi Goodax Bare ayaa maanta ku soo dhaweeyay  Xafiiskiisa Safiirka Cusub ee dawladda Suudaan u fadhiya Soomaaliya Danjire Khalafallaah Mustafa Baabikir, waxa ay kawada hadleen xiiriirka soo jireenka ah ee ka dhaxeeyo labada dal.

Safiirka Dawladda Suudaan ayaa soo dhaweyay horumarka ay Wasaaraddu ka samaysay dhanka horumarinta manaahijta iyo Imtixaanaadka iyo sidoo kale  guud ahaan waxbarashada dalka.

‘’Waxaan soo dhaweynayaa horumarka Dawladda Soomaaliya ay ka gaartay dhanka waxbarashada Dawladda Suudaan waxa ay diyaar u tahay markasta in ay caawiso ardayda Soomaaliyeed iyo in aan kordhino Deeqaha waxbarasho oo ay helaan ardayda Soomaaliyeed, sidaasi waxaa yiri Safiirka cusub ee Soomaaliya u fadhiya sudaan Khalafallaah Mustafa Baabikir.

Wasiirka Wasaaradda waxbarashada Hiddaha iyo tacliinta sare XFS Mudane Cabdullaahi Goodax Bare ayaa boggaadiyay Xiriirka soo jireenka ah ee ka dhaxeeyo Suudaan iyo Soomaaliya.

‘’ Waxaan maanta xafiiskeyga ku soo dhaweyay Safiirka Cusub ee Dawladda Suudaan u fadhiya Soomaaliya Khallafalaah Mustafa Baabikir,waxaan kawada hadalnay xoojinta xiriirka soo jireenka ah ee labada dal, iyaddoo aan ognahay in ku dhawaad 7000 oo arday Soomaaliyeed ay wax ku bartaan dalka Suudaan iyo siddii Ardayda Soomaaliyeed ee sanadkaan Suudaan Waxbarashada ka helay loogu fududeyn lahaa hawlahooda”

“Waxaa kale oo aan kawada hadalnay in dib loo soo celiyo xiriirka dhanka Hiddaha iyo dhaqanka si fanaaniinta suudaaniyiinta ah ay u yimaadaan Soomaaliya siddii beri samaadkii oo kale, Kan Wasaarad ahaan Waxaa naga go’an in ardayda Soomaaliyeed ay gaaraan hamigooda ah in ay Waxbartaan” ayuu yiri Wasiir Goodax.

Iman Mohamed Jama, Hiiraan Online
[email protected]
















Click here
12/19/2018 2:47 PM EST
Arbaco, December, 19, 2018 (HOL)- Ra’iisul wasaaraha xukuumadda federaalka Soomaaliya , Xasan Cali Khayre ayaa maanta guddoomiyay shir lagu daah furayay qorshaha horumarinta qaranka ee 2020-2024 kaas oo gundhig u noqonaya horumarka la doonayo in dalku gaaro muddda shan sano gudahood ah.

12/19/2018 2:43 PM EST
Arbaco, December, 19, 2018 (HOL)- Ra’iisul Wasaaraha xukuumadda federaalka Soomaaliya, mudane Xasan Cali Khayre, ayaa oo ay wehliyeen wasiirro, taliyaha ciidanka booliiska iyo mas’uuliyiin kale ayaa maanta xarigga ka jaray xarunta gurmadka deg-degga ah ee ciidanka Booliiska Soomaaliyeed (Otto Otto) oo dib loo dhisay.

12/19/2018 2:40 PM EST
Arbaco, December, 19, 2018 (HOL)- Wasiirka Qorasheynta oo uu wehliyo Xoghayaha Joogtada ah ee Wasaaradda iyo Madaxa Hay’adda muhaajiriinta Aduunka International Organization Immagracration (IOM) ayaa maanta si rasmi ah Xariga uga jaray Xafiiska Soomaaliya Hay’addan.

12/19/2018 2:33 PM EST
Arbaco, December, 19, 2018 (HOL)- Diyaar garowgii ugu dambeeyay oo ku aadan xuska aas-aaska Booliska Soomaaliyeed ayay wadaan qeybaha kala duwan ee ciidamada Booliska oo xiligan laga joogo 75 sano.

12/19/2018 7:31 AM EST
Arbaco, December, 19, 2018 (HOL)- Cabdi Casiis Xassan Maxamed Lafta -Gareen ayaa maanta ku guuleystay doorashada madaxweynaha maamulka Koonfur Galbeed isaga oo ku guuleytay wareegii horeba 101 cod oo noqoneysa guushii ugu ballaarneyd oo musharax madaxweyne maamul gobolleed uu wareega horeba gaaro doorashada.

12/19/2018 5:48 AM EST
Arbaco, December, 19, 2018 (HOL)- Waxaa soo dhamaaday wareegii koowaad doorashada madaxweynaha maamulka Koonfur Galbeed oo uu ku guuleystay Cabdicasiis Lafta-Gareen oo helay codadka ugu badan xildhibaannada Baarlamaanka.

12/19/2018 4:39 AM EST
Arbaco, December, 19, 2018 (HOL)-Waxaa goor dhaw si rasmi ah u bilaabatay codeynta wareegii koowaad ee doorashada madaxweynaha maamulka Koonfur Galbeed.

12/19/2018 3:55 AM EST
Arbaco, December, 19, 2018 (HOL)- Wafdi ka tirsa dowladda federaalka Soomaaliya oo uu horkacyo Wasiirka Arrimaha Gudaha Cabdi Maxamed Sabriye ayaa goor dhaw gaaray hool doorashada madaxweynaha maamulka Koonfur Galbeed Soomaaliya

12/19/2018 2:42 AM EST
Arbaco, December, 19, 2018 (HOL)-Uganda ayaa isbeddel ku sameysay hoggaanka Ciiidamada ka jooga Soomaaliya ee Howlgalka AMISOM qeybta ka ah.

12/19/2018 1:08 AM EST
Arbaco, December, 19, 2018 (HOL)- Wararka naga soo gaaraya gobolka Shabeellaha dhexe gaar ahaan deegaanka lagu magacaabo Galboole ayaa sheegaya in Al-shabaab goob fagaaro ah ku toogteen sarkaal sida ay sheegeen ka tirsanaa ciidamada dowladda Soomaaliya.

12/19/2018 12:05 AM EST
Arbaco, December, 19, 2018 (HOL)-Maanta oo ay taariikhdu ku beegan tahay 19ka bisha December xildhibaannada maamulka Koonfur Galbeed ayaa sida qorsuhu yahay ku dooranaya madaxweyne magaalada Baydhabo.