3/28/2024
Today from Hiiraan Online:  _
Wararka Maanta- Arbaco, Dec 19, 2018
Waa kuma Cabdicasiis Lafta-Gareen oo maanta ku guuleystay xilka madaxweynaha maamulka Koonfur Galbeed

 

Arbaco, December, 19, 2018 (HOL)- Cabdi Casiis Xassan Maxamed Lafta -Gareen ayaa maanta ku guuleystay doorashada madaxweynaha maamulka Koonfur Galbeed isaga oo ku guuleytay wareegii horeba 101 cod oo noqoneysa guushii ugu ballaarneyd oo musharax madaxweyne maamul gobolleed uu wareega horeba gaaro doorashada.

Hadaba waa kuma Cabdicasiis Lafta-Gareen  madaxweynaha Labaad ee maamulka Koonfur Galbeed: 

Cabdicasiis Xassan Maxamed oo ku magac dheer Laftagareen Wuxuu ku dhashay degmada Luuq ee gobolka Gedo, sanadkii 1970.

Wuxuu leeyahay hal xaas iyo saddex carruur ah, Waxbarashadiisii dugsiga hoose, dhexe iyo sare wuxuu ku qaatay isla degmada Luuq, Wuxuu Luuq ka ahaa macallin iskuul, Magaalada Muqdisho ayuu jaamacad ka dhigtay, Xilal badan ayuu na dowladihii dalka soo maray ka soo qabtay.

Sanadkii 2007 wuxuu  ahaa maamule ku xigeenkii Furdada Xamar.,Sanadkii 2008 wuxuu xukuumaddii raysal wasaare Nuur Cadde ka soo noqday wasiirka shaqada iyo arrimaha bulshada. Sanadkii 2009 wuxuu xukuumaddii Cumar Cabdirashiid ka noqday wasiirka gaadiidka iyo arrimaha badda.

Isla xukuumaddii Cumar Cabdirashiid wuxuu sanadkii 2010 ka noqday wasiirka xannaanada xoolaha. Xukuumaddii raysal wasaare Maxamed Cabdullaahi Farmaajo wuxuu noqday wasiiru dowlaha boostada, isgaarsiinta iyo warfaafinta.

Xukuumaddii Cabdiweli Sheekh Axmed wuxuu noqday wasiir ku xigeenka kalluumeysiga. Xukuumadda raysal wasaare Xasan Cali Kheyrre wuxuu ka noqday wasiiru dowlaha wasaaradda ganacsiga.

Wuxuu u tartamay guddoomiye baarlamaan. Wuxuu noqday wasiirka tamarta iyo kheyraadka biyaha.

Cabdicasiis Xassan Maxamed (Laftagareen) ayaa ku guuleystay doorashada madaxtinimada ee maamulka Koonfur Galbeed, wuxuuna helay codad gaarayo 101 cod halka musharraxii kusoo xigay Aadan Maxamed Nuur Saransoor uu helay 22 cod.

C/raxmaan Diini, Hiiraan Online
[email protected]

 
 
 

 













Click here
12/19/2018 2:47 PM EST
Arbaco, December, 19, 2018 (HOL)- Ra’iisul wasaaraha xukuumadda federaalka Soomaaliya , Xasan Cali Khayre ayaa maanta guddoomiyay shir lagu daah furayay qorshaha horumarinta qaranka ee 2020-2024 kaas oo gundhig u noqonaya horumarka la doonayo in dalku gaaro muddda shan sano gudahood ah.

12/19/2018 2:43 PM EST
Arbaco, December, 19, 2018 (HOL)- Ra’iisul Wasaaraha xukuumadda federaalka Soomaaliya, mudane Xasan Cali Khayre, ayaa oo ay wehliyeen wasiirro, taliyaha ciidanka booliiska iyo mas’uuliyiin kale ayaa maanta xarigga ka jaray xarunta gurmadka deg-degga ah ee ciidanka Booliiska Soomaaliyeed (Otto Otto) oo dib loo dhisay.

12/19/2018 2:40 PM EST
Arbaco, December, 19, 2018 (HOL)- Wasiirka Qorasheynta oo uu wehliyo Xoghayaha Joogtada ah ee Wasaaradda iyo Madaxa Hay’adda muhaajiriinta Aduunka International Organization Immagracration (IOM) ayaa maanta si rasmi ah Xariga uga jaray Xafiiska Soomaaliya Hay’addan.

12/19/2018 2:37 PM EST
Arbaco, December, 19, 2018 (HOL)- Wasiirka Wasaaradda Waxbarashada, Hiddaha iyo Tacliinta Sare ee Xukuumadda Federaalka Soomaaliya ,Cabadullaahi Goodax Bare ayaa maanta ku soo dhaweeyay Xafiiskiisa Safiirka Cusub ee dawladda Suudaan u fadhiya Soomaaliya Danjire Khalafallaah Mustafa Baabikir, waxa ay kawada hadleen xiiriirka soo jireenka ah ee ka dhaxeeyo labada dal.

12/19/2018 2:33 PM EST
Arbaco, December, 19, 2018 (HOL)- Diyaar garowgii ugu dambeeyay oo ku aadan xuska aas-aaska Booliska Soomaaliyeed ayay wadaan qeybaha kala duwan ee ciidamada Booliska oo xiligan laga joogo 75 sano.

12/19/2018 5:48 AM EST
Arbaco, December, 19, 2018 (HOL)- Waxaa soo dhamaaday wareegii koowaad doorashada madaxweynaha maamulka Koonfur Galbeed oo uu ku guuleystay Cabdicasiis Lafta-Gareen oo helay codadka ugu badan xildhibaannada Baarlamaanka.

12/19/2018 4:39 AM EST
Arbaco, December, 19, 2018 (HOL)-Waxaa goor dhaw si rasmi ah u bilaabatay codeynta wareegii koowaad ee doorashada madaxweynaha maamulka Koonfur Galbeed.

12/19/2018 3:55 AM EST
Arbaco, December, 19, 2018 (HOL)- Wafdi ka tirsa dowladda federaalka Soomaaliya oo uu horkacyo Wasiirka Arrimaha Gudaha Cabdi Maxamed Sabriye ayaa goor dhaw gaaray hool doorashada madaxweynaha maamulka Koonfur Galbeed Soomaaliya

12/19/2018 2:42 AM EST
Arbaco, December, 19, 2018 (HOL)-Uganda ayaa isbeddel ku sameysay hoggaanka Ciiidamada ka jooga Soomaaliya ee Howlgalka AMISOM qeybta ka ah.

12/19/2018 1:08 AM EST
Arbaco, December, 19, 2018 (HOL)- Wararka naga soo gaaraya gobolka Shabeellaha dhexe gaar ahaan deegaanka lagu magacaabo Galboole ayaa sheegaya in Al-shabaab goob fagaaro ah ku toogteen sarkaal sida ay sheegeen ka tirsanaa ciidamada dowladda Soomaaliya.

12/19/2018 12:05 AM EST
Arbaco, December, 19, 2018 (HOL)-Maanta oo ay taariikhdu ku beegan tahay 19ka bisha December xildhibaannada maamulka Koonfur Galbeed ayaa sida qorsuhu yahay ku dooranaya madaxweyne magaalada Baydhabo.