3/28/2024
Today from Hiiraan Online:  _
Wararka Maanta- Talaado, Dec 18, 2018
Faah faahin : kulan xalay Muqdisho ku dhaxmaray RW Kheyre iyo Guddoomiyaha Golaha Shacabka

 

Talaado, December, 18, 2018 (HOL)- Magaalada Muqdisho waxaa xalay kulan gaar ah ku yeeshay ra’iisal wasaaraha xukuumadda Soomaaliya Xassan Cali Kheyre iyo guddoomiyaha Golaha Shacabka Maxamed Mursal Sheekh Cabdiraxmaan.

Kulanka oo ka dhacay xarunta Wasaarradda Waxbarashada Hidaha iyo Tacliinta ayaa looga wada hadlay xalinta khilaafka ka abuurmay mooshinka xil ka qaadista ah ee xubno ka tirsan Golaha Shacabka ka keeneen madaxweynaha dowladda Soomaaliya Maxamed Cabdullaahi Farmaajo.

Xildhibaan Cabdi Cali Xassan oo ka tirsan mudanayaasha baarlamaanka Soomaaliya oo kulanka labada mas’uul uga waramay VOA ayaa sheegay in uu ku soo dhamaaday is afgarad.

Wuxuu sheegay in kulanka uu ahaa mid horeyba loo sii diyaariyay oo ay ka soo shaqeeyeen guddi ka tirsan Golaha Shacabka oo isku xil saaray dhameynta khilaafka Golaha Shacabka iyo madaxtooyada, isaga oo intaa ku daray in horey ay isku soo arkeen guddigan iyo madaxweynaha dowladda Soomaaliya Maxamed Cabdullaahi Farmaajo.

‘’Ra’iisal wasaaraha iyo guddoomiyaha Golaha Shacabka waxey ka wada hadleen sidii Baarlamaanka iyo xukuumadda ay u wada shaqeyn lahaayeen, caqabadaha taaganna is afgarad iyo wada hadal loogu dhameyn lahaa’’ rajo fiicanna waxaan ka qabnaa in arrimaha oo dhan is afgarad ku dhamaan doonaan’’ ayuu yiri xildhibaanka.

Xildhibaan Cabdi Cali ayaa meesha ka saaray in ay jiraan xildhibaanno kala qeybsan marka laga soot ago sida uu hadalka u dhigay in rayiga lagu kala duwan yahay oo kaliya’’ Xildhibaanno Labo garan kala noqday ma jiraan, kaliya ra’yiga ayaa lagu kala duwan yahay’’ ee waxa qeybsamay waa guddoonkii Golaha Shacabka, taasoo keentay kulamadii Golaha ay furmi waayaan’’ ayuu hadalkiisa sii raaciyay.

In Ra’iisal wasaaraha iyo guddoomiyaha Golaha Shacabka ku kulmaan xarunta Wasaarradda Waxbarashada ayaa ah calaamad  muujineysa in wali aan xal waara laga gaarin khilaafka taagan, horeyna waxaa u jirtay in gudoomiyaha Golaha Shacabku uu ka soo guuray hoygii uu ka degenaa madaxtooyada Soomaaliya, isaga oo ku eedeeyay xukuumadda in ay cadaadis dhinaca dhaqdhaqaaqa ah saartay.

Xildhibaannada isku xil saaray xal u helida khilaafka Golaha Shacabka iyo madaxtooyadda ayaa rajo badan ka qaba in ugu danbeyntii lagu guuleysto dibna loo furo kulamadii caadiga ahaa ee Golaha Shacabka.

C/raxmaan Diini, Hiiraan Online
[email protected]













Click here
12/18/2018 11:45 AM EST
Talaado, December, 18, 2018 (HOL)- Shirkadda diyaaradaha ee Kenya Airways ayaa maanta billowday adeegga duullimaadka ee toos isugu xiraya magaalooyinka Nairobi iyo Muqdisho, in kastoo horay ay dib ugu dhigtay howlgalkaas.

12/18/2018 11:41 AM EST
Talaado, December, 18, 2018 (HOL)- Duqa Muqdisho ahna Guddoomiyaha Gobolka Banaadir Mudane Abdirahman Omar Osman (Eng; Yariisoow) oo la kulmay dhiggiisa Duqa Magaalada Geneva ee Dalka Switzerland, Sami Kanaan, ayaa kala hadlay hirgelinta xiriirka iyo wadashaqeynta Labada Magaalo.

12/18/2018 11:38 AM EST
Talaado, December, 18, 2018 (HOL)- Ra'iisul wasaare ku-xigeenka Soomaaliya, Mahdi Maxamed Guuleed ayaa guddoomiyay Shir Bil-laha ah oo u dhexeeya Dowladda Soomaaliya iyo Beesha Caalamka ee SDRF, kaas oo looga hadlayo mashaariicda horumarineed ee Soomaaliya.

12/18/2018 11:25 AM EST
Talaado, December, 18, 2018 (HOL)- Musharraxa xilka madaxweynaha Puntland ee doorashada 2019ka, Cali Cabdi Awaare ayaa maanta soo gaaray magaalada Garoowe ee xarunta Puntland, halka oo si ballaaran loogu soo dhaweeyay.

12/18/2018 10:32 AM EST
Talaado, December, 18, 2018 (HOL)- Safiirka Mareykanka ee Soomaaliya Donald Yamamoto oo maanta soo saaray war saxaafadeed ayaa sheegay in Soomaaliya ay siin doonaan adduun gaaraya lacageed oo gaareya $900 million oo lagu maalgelinayo Soomaaliya.

12/18/2018 10:23 AM EST
Talaado, December, 18, 2018 (HOL)- Madaxweyne Muuse Biixi ayaa maanta xafiiskiisa ku qaabiley wefti uu hogaaminayo madaxa Guddiga caalamiga ah ee Laanqeyrta Cas (ICRC) Mr. Simon Brooks.

12/18/2018 8:07 AM EST
Talaado, December, 18, 2018 (HOL)- Musharrixiinta u tartamaya xilka madaxweynaha qaar ka mid ah oo maanta kulan ku yeeshay magaalada xarunta ah ee Garoowe ayaa walaac ka muujiyay hab xukuumadda ay u maamullayso doorashada.

12/18/2018 7:22 AM EST
Talaado, December, 18, 2018 (HOL)-Dagaalkan oo dhaxmaray ciidamo ka wada tirsan dowladda Soomaaliya ayaa ka dhacay Isgoyska Tarbuunka ee magaalada Muqdisho sida ay Hiiraan Online u sheegeen dad ku sugnaa Agagaarka halka uu iska horimaadku ka dhacay.

12/18/2018 5:17 AM EST
Talaado, December, 18, 2018 (HOL)- Madaxweynaha dalka Jabuuti Ismaaciil Cumar Geelle ayaa sheegay in Isbadalka ka socda Geeska Africa loo baahan yahay marka hore in si taxadir leh leysaga eego wixii dan iyo dibin-daabyo ah ee ku jira.

12/18/2018 2:20 AM EST
Talaado, December, 18, 2018 (HOL)- Warbaahinta dalka Yemen ayaa shaacisay in Heshiiskii xabad joojinta ahaa ay kala saxiixdeen dhinacyada ku dagaallamaya dalka Yemen uu burburay daqiiqado un ka hor inta aanan la gaarin wakhtigii kama dambaysta aheyd ee laga filayay inay dhaqangeliyaan.

12/18/2018 1:45 AM EST
Talaado, December, 18, 2018 (HOL)-Magaalada Baydhabo waxaa ka soconaya diyaar-garoow ballaaran oo loogu jiro qabanqaabada doorashada madaxweynaha maamulka Koonfur Galbeed Soomaaliya oo dhaceysa 19ka bishan oo ku beegan maalinta berri ah.