Isniin, December, 17, 2018 (HOL)-
Dowladda Soomaaliya ayaa markii ugu horeysay dad u soo xirtay in ay dacwad u
gudbiyeen maxkamadaha Al-shabaab oo inta badan marka la eego shacabka ku dhaqan
deegaannada ay dowladdu maamusho ku xukuntamaan.
Guddoomiyaha Maxkamada Racfaanka Gobolka Banaadir
Garyaqaan Abshir Cumar C/llaahi oo la hadlay Warbaahinta dowladda ayaa sheegay
in xabsiga loo taxaabay labo qof oo u dacwooday Al-Shabaab, kuwaasi oo
decumenti been abuur ah ay wateen awgeed maxkamada Gobolka iyo tan racfaanka ay
go’aan uga gaareen.
“Afar Qof ayaa loo dirray waaran oo intey ka
dacwoodeen gobolka laga soo xukumay kadibna racfaan soo qaatay,Garsoorihii ku
qornaa ayaa dacwadda dhageystay oo baaris u diray xeer ilaalinta,waxaa ay soo
saartay xeer ilaalintu in decumentigooda uu been abuur yahay, kaddibna inta ay
carareen ayeey u dacwoodeen Al-Shabaab,” ayuu yiri Guddoomiyaha Maxkamada
racfaanka Gobolka Banaadir.
Garyaqaan Abshir Cumar C/llaahi ayaa tilmaamay in
labo ka mid ah afarta ruux ay maqan yihiin halka labada kale ay xiran
yihiin ,kuwaas oo uu sheegay iney argagixisada u aadeen si ay cabsi geliyaan
dadka dacwada kala dhaxeysay una handadaan muwaadiniinta kale.
Dhan kale,Guddoomiyaha Maxkamadda Racfaanka
Gobolka Banaadir Garyaqaan Abshir Cumar C/llaahi ayaa sheegay in sarkaal ka
tirsan Wasaaradda Boostada iyo Isgaarsiinta Xukuumadda Soomaaliya la xiray kaddib
markii uu gacantiisa ku sameystay decument been abuur ah,I slamarkaana uu
isticmaalay.
Dowladda Soomaaliya iyo hay’addaha Amniga ayaa
horay uga digay dadka in ay cadaallad ka raadiyaan maxkamadaha Al-shabaab ee ku
yaalla deegaannada ka maqan gacanta dowladda.
C/raxmaan Diini, Hiiraan
Online
[email protected]