3/28/2024
Today from Hiiraan Online:  _
Wararka Maanta- Isniin, Dec 17, 2018
Cali Xaaji Warsame: Kulankii bulshada Garoowe ee Himilada Musharraxa iyo Hammiga Shacabka

Isniin, December, 17, 2018 (HOL)- Musharraxa xilka madaxweynaha Puntland ee doorashada 2019-ka, Cali Xaaji Warsame ayaa xalay la qaatay bulshada magaalada xarunta ah ee Garoowe kulan ballaaran oo loogu magac darray 'Himilada Musharraxa iyo Hammiga Shacabka'.

Kulanka ayaa waxaa ka qaybgalay xubno ka socday qaybaha bulshada,iyadoo dadka ugu badan ee soo buuxiyay hoolka jaamacadda bariga Afrika ee magaalada Garoowe ay ahaayeen ardayda wax ka barata jaamacadaha ku yaalla magaalada Garoowe.

Musharraxa Cali Xaaji Warsame, ayaa ugu horrayn kulanka ka jeediyay khudbad dheer oo uu ku soo bandhigay himiladiisa, waxaa kalo uu diiradda saaray waxyaabaha uu doonayo inuu xoogga saaro haddii uu xilka uu raadinnayo ee madaxweynaha Puntland ku guuleysto.

"2014 himilada aan maanta qabo ayaan qabay ,waxaan aaminsannaa Puntland inay badasho nidaamkii hore , dad aqoonyahan ah dhallinyaro ah ,khidbrad leh,han leh ,jeebkoodda ka weyn inay Puntland yimaaddan.. Dadkaas inay noqdaan kuwa tiirarka u taagaya maamul wanagsan oo Puntland ka hanna-qaadaya,wixii dhimana garsiiya, himiladii Soomaaliyeed iyo midnimadii umadda Soomaaliyeedna ilaaliya". ayuu yiri musharrax Cali Xaaji.

"Waxaan aaminsannahay idinkuna aaminsantihiin himiladdaa shan sanno ka bacdi ineynan gaarin.. maxay tahay marka himilada cusub oo laga raba musharrax walba oo imaanaya anniga ha noqdo,cid kale ha noqdo inuu Puntland garsiiyo ... Dad badan waxay ku qaldaan anigu waa inan guuleystaa ... anigu waxaan aaminsanahay inan anigu guuleysto muhim ma'aha, in la guuleysto illaahayba qora qofna kaligii ma keeni karo ..Laakin waa muhim ah himilada iyo hamiga aan rabnay  inay Puntland ka surtagalaan". ayuu raaciyay musharrax Cali Xaaji.

Warsame ayaa ballanqaaday inuu ka shaqeyn doono kobac-dhaqaale , maareynta miisaaniyadda,dhismaha ciidammada , la-dagaallanka musuqmaasuqa, isla-xisaabtan dhab ah.

Waxa ugu horreeya ee sannadkiisa koowaad uu ka shaqeynayo doono ayuu ku sheegay sidii Puntland ay u gaari lahayd shacabku inay wax doortaan,waxaana uu inta ku daray in Puntland u bahantahay isbaddel dhab ah oo ku qotoma cadaalad sinaan,midnimo iyo in qof kasta helo nabadgelyo caafimaad iyo waxbarasho.

Khudbada musharraxa ayaa markii ay soo dhammaatay waxaa su'aalo waydiiyay dadweynihii ka qaybgalay kulanka , inta badan su'aalaha la waydiiyay musharraxa ayaa diiradda saaray waxa uu qaban doona ,iyadoo uu mid mid uga jawaabay su'aalaha uu na sheegay in loo bahanyahay hoggaamin sax ah oo uu la yimaado Madaxweynaha la doortaa.

Cali Xaaji Warsame, oo ka mid ah tobannaan musharrax oo u tartamaya xilka madaxweynaha Puntland, ayaa kulankii xalay uu la qaatay bulshada Garoowe, waxa uu ka dhigay musharrixii ugu horreeyay ee dadweynaha si furan ula hadla, ugana jawaaba su'aalaha ay waydiiyeen.

Iman Mohamed Jama, Hiiraan Online
[email protected]











Click here
12/17/2018 5:28 PM EST
Isniin, December, 17, 2018 (HOL)- Wasaaradda Amniga Gudaha ee Xukuumadda Soomaaliya ayaa shaqo ka joojin ku sameysay hay’adda cilmi baaris oo lagu magacaabo Sahan Research.

12/17/2018 5:18 PM EST
Isniin, December, 17, 2018 (HOL)- Maxkamada Gobolka Banaadir ayaa go’aan ka gaartey kiis ku saabsan musuq-maasuq loo haystay wasiir ku-xigeenka wasaaradda arrimaha dibadda ee xukuumadda Soomaaliya, Mukhtaar Mahad Daa'uud.

12/17/2018 5:01 PM EST
Isniin, December, 17, 2018 (HOL)- Ra'iisul wasaaraha Soomaaliya, Xasan Cali Khayre ayaa sheegay inuu kulan gaar ah la qaatay guddoomiyaha Baarlamaanka Maxamed Mursal Sheekh Cabdiraxmaan.

12/17/2018 4:37 PM EST
Isniin, December, 17, 2018 (HOL)- Musharraxa xilka Madaxwaynaha Puntland ee doorashada 2019, Injineer Maxamuud Khaliif Xasan Jebiye, ayaa shir-jaraa'id oo maanta [Isniin] uu ku qabtay hoyga uu ka deggen yahay magaalada Garoowe, wuxuu kaga hadlay arrimaha doorashada, xaaladda ammaanka ee magaalada Boosaaso, xallinta colaaddii deegaanka Dhummay iyo qodobbo kale oo muhiim ah.

12/17/2018 2:35 PM EST
Isniin, December, 17, 2018 (HOL)-Dowladda Soomaaliya ayaa markii ugu horeysay dad u soo xirtay in ay dacwad u gudbiyeen maxkamadaha Al-shabaab oo inta badan marka la eego shacabka ku dhaqan deegaannada ay dowladdu maamusho ku xukuntamaan.

12/17/2018 8:24 AM EST
Isniin, December, 17, 2018 (HOL)- Sacuudi Carabiya ayaa ku gacan seertay qaraarka Aqalka Senate-ka Mareykanka ee ku baaqay in Mareykanka uu soo geba gebeeyo taageerada uu siiyo dagaalka Sacuudiga ee Yemen, islamarkaana dhaxal-sugaha dalkaas ku eedeeyey dilka weriye Jamaal Khaashuqji.

12/17/2018 8:17 AM EST
Isniin, December, 17, 2018 (HOL)- Ra’iisul wasaare ku-xigeenka Soomaaliya, Mahdi Maxamed Guuleed ayaa magaalada Jabuuti kula kulmay madaxwaynaha dalka Jabuuti, Ismaaciil Cumar Geelle.

12/17/2018 8:11 AM EST
Isniin, December, 17, 2018 (HOL)- Madaxwaynaha Ciraaq ,Berhaam Saalix ayaa ka tanaasulay dhalashadiisii Britishka, isagoo fulinaya sharciga dalkiisa ee dhigaya madaxwaynaha inuu wadan baasboor ajnabi ah, afhayenka madaxwaynaha ayaa sidaasi sheegay maalinimadii Axaddii.

12/17/2018 8:02 AM EST
Isniin, December, 17, 2018 (HOL)- Dagaallamayaal ka tirsan al-Shabaab iyo Daacish ayaa lagu soo warramaya inay ku dagaallameen gobolka Bari,sida laga soo xigtay dadka deegaanka oo la hadlay warbaahinta maxalliga ah.

12/17/2018 6:22 AM EST
Isniin, December, 17, 2018 (HOL)-Taliska Mareykanka ee AFRICOM ayaa maant oo Isniin ah sheegay duqeyn ay ka fuliyeen Soomaaliya gaar ahaan gobolka Shabeellaha Hoose Sabtidii iyo Axadii todobaadka ku dileen 62 dagaalyahan oo ka tirsanaa Al-shabaab.

12/17/2018 3:18 AM EST
Isniin, December, 17, 2018 (HOL)-Ra'iisal wasaaraha xukuumadda Soomaaliya Xassan Cali Kheyre ayaa Wasiirka Howlaha Guud iyo Dib -u dhiska u magacaabay Cabdi Aadan Hoosoow.

12/17/2018 1:35 AM EST
Isniin, December, 17, 2018 (HOL)- Bulshada ku dhaqan magaalada Muqdisho ayaa saakay ku waabariisatay ciidamo aad u hubeysan oo la soo dhigay dhamaanba isgoysyada muhiimka ah ee magaalada Muqdisho oo dhamaantoodba saakay xirran.

12/17/2018 1:23 AM EST
Isniin, December, 17, 2018 (HOL)-Xukuumadda iyo xisbiyada mucaaradka ayaa xalay isku afgartay wakhtiga doorashooyinka golaha Wakiilada iyo Deegaanku dhici doonaan oo wakhtigii hore loo qorsheeyey dib u dhac ku yimid.

12/17/2018 1:06 AM EST
Isniin, December, 17, 2018 (HOL)- Howlgal ay iska kaashadeen ciidamada Qaranka iyo kuwa Mareykanka oo ka dhacay gobolka Shabeellaha hoose ayaa lagu dilay 25-ka tirsanaa dagaalamayaasha Al-Shabaab.

12/17/2018 12:28 AM EST
Isniin, December, 17, 2018 (HOL)-Deegaanada ku teedsan gobolka Jubadda Dhexe ayaa la qorshaynayaa in ay ka dhacaan howlgalo ballaaran oo ay si wada jir ah ay u fulin doonaan ciidamada Xoogga Dalka Soomaaliyeed,kuwa Midowga Afrika iyo ciidanka Jubbaland oo isgarabsanaya si xoogagga Alshabaab looga saaro gobolkaasi.