3/28/2024
Today from Hiiraan Online:  _
Wararka Maanta- Arbaco, Dec 12, 2018
Wasaaradda Beeraha iyo Waraabka oo heshiis lagu horumarinayo Beeraha Soomaaliya la saxiixatay Dawladda Talyaaniga iyo Hay’adda FAO

Arbaco, December, 12, 2018 (HOL)-  Heshiis lagu horumarinayo beeraha iyo waraabka ayaa waxaa maanta ku wada saxiixday   magaalada Muqdisho Wasiirka Beeraha & Waraabka XFS Mudane Saciid Xuseen Ciid, Safiirka Dowlada Talyaaniga Danjire Carlo Campanile, Wakiilka Soomaaliya ee Hay’adda Horumarinta talyaaniga Guglielmo Giordano (Italian Agency for Development Cooperation) iyo Hay’adda Qaramada Midoobay ee Beeraha iyo Cuntada oo u saxiixay wakiilkeeda Soomaaliya Serge Tissot .

Heshiiska ayaa waxaa qeyb ka ah dib-u dayactirka xaruntii dhexe ee Wasaaradda Beeraha iyo Waraabka ee Muqdisho,hirgelinta mashaariic beeralayda ka caawinaysa qaababka casriga ah ee Waraabka(Meodern Irrigation Technology) ,Kaabayaasha Waraabka iyo saadaasha dhinaca waraabka iyo beeraha.

Dawladda Talyaaniga ayaa waxay ka mid tahay waddamada taageera dawladda Soomaaliya, gaar ahaan dhinaca dib u dhiska Kaabayaasha dhaqaalaha iyo tababarada, waxay sidoo kale door weyn ku lahayd casriyeynta beeraha Soomaaliyeed, iyaddoo si weyn loogu xusuusto kaalinteedii beerida iyo suuq-geynta mooska Soomaaliyeed.

Heshiiskaan ayaa waxaa farsamo ahaan hirgalin doona Hay’adda  FAO ee Qaramada Midoobey iyo Wasaaradda Beeraha.

Munaasabadda heshiiska lagu saxiixay, waxaa goobjoog u ahaa Wasiiru dawlaha Xafiiska Ra’iisal Wasaaraha Soomaaliya Mudane Cabdulaahi Xaamud, Wasiir ku-xiggeenka Beeraha Mudane Xaamul Cali Xasan iyo Agaasimaha Guud ee Wasaaradda Beeraha Mudane Maxamuud Maxamed.

Iman Mohamed Jama, Hiiraan Online
[email protected]











Click here
12/12/2018 1:32 PM EST
Arbaco, December, 12, 2018 (HOL)-Magaalada Muqdisho waxaa ka soconaya diyaar-garoow ballaaran oo loogu jiro soo dhaweynta madaxweynaha dalka Eritrea Isaias Afwerki iyo wafdi uu horkacayo.

12/12/2018 9:01 AM EST
Arbaco, December, 12, 2018 (HOL)- Wasiirka arrimaha dibedda Soomaaliya, Axmed Ciise Cawed, ayaa maanta oo Arbaca ah kulan kula qaatay Caasimadda Sacuudiga ee Riyaadh, Boqorka Dalka Sacuudi Carabiya, Boqor Salmaan Bin Cabdicasiis Al-Sacuud.

12/12/2018 8:50 AM EST
Arbaco, December, 12, 2018 (HOL)- Ra’iisul wasaaraha Xukuumadda Federaalka Soomaaliya, Mudane Xasan Cali Khayre iyo wafdi uu hoggaaminayo ayaa booqasho rasmi ah maanta ugu ambabaxay dalka Qatar.

12/12/2018 8:19 AM EST
Arbaco, December, 12, 2018 (HOL)- Asad Cismaan Cabdullaahi , oo ka mid ah tobonnaan musharrax oo u tartamaya xilka madaxweynaha Puntland ayaa maanta soo gaaray magaalada Gaalkacyo , wuxuu ballanqaadyo waa weyn u sameeyay kumannaan ruux oo shacab ah oo ku soo dhaweeyay xarunta gobolka Mudug.

12/12/2018 5:20 AM EST
Arbaco, December, 12, 2018 (HOL)-Qoraal uu ku saxiixan yahay guddoomiyaha Golaha Shacabka Maxamed Mursal Sheekh Cabdiraxmaan oo ay heshay warbaahinta ayaa lagu sheegay in 09kii bishan uu qabtay sida uu hadalka u dhigay mooshin ka dhan ah madaxweynaha Soomaaliya

12/12/2018 2:42 AM EST
Deeqo Dhalac oo ah gabar Soomaaliyeed ayaa xalay oo talaado aheed ku guulaystay kursiga golaha dagaanka ee South Portland ee gobolka Maine ,Waxay si aad ah uga guulaystay nin in mudo ah ku lahaa ganacsi magaaladdaa oo lagu magagacaabo ,waxay deeqa heshay 1,418 cod halka Rolando helay 700 oo cod.

12/12/2018 1:39 AM EST
Arbaco, December, 12, 2018 (HOL)- Xukuumadda Somaliland ayaa dalka ka mustaafurisay shaqaale Ajanabi ah oo la sheegay inay shaqada hayeen ay qaban karaan muwaadiniinta Somaliland.

12/12/2018 1:06 AM EST
Arbaco, December, 12, 2018 (HOL)- Dowladda Soomaaliya ayaa shirkad laga leeyahay dalka Shiinaha siisay 32 ruqsadood oo Kalluumeysi, sida uu xaqiijiyay Wasiirka Kalluumeysiga iyo Kheyraadka Badda C/llaahi Bidhaan Warsame.

12/12/2018 12:36 AM EST
Arbaco, December, 12, 2018 (HOL)- Wararka ka imanaya magaalada Baydhabo ee xarunta maamulka Koonfur Galbeed ayaa sheegaya in ciidamada Booliiska halkaa ku qabteen gaari walxaha Qarxa laga soo buuxiyay.