Jigjiga oo mar kale ay ciidamo gudaha u galleen iyo warar sheegaya in uu is casilay Cabdi Maxamuud Cumar
Isniin, August, 06, 2018 (HOL)– Wararka ka imanaya magaalada Jigjiga ayaa sheegaya in mar kale galinki danbe ee maanta ciidamo aad u hubeysan oo ka socda dowladda dhexe ee Itoobiya gudaha u galeen magaalada.
War laga soo xigtayy idaacadda afka dowladda ku
hadasho ee Fana wasaaradda gaashaandhigga Itoobiya ayaa sheegtay in
gelidda ciidamada ee magaalada ay ku timid codsi uga yimid maamulka Soomaalida
ee Itoobiya.
Idaacada ayaa intaa ku dartay in ay ciidamadu si dhaqso leh
u billaabi doonaan howl gallo amaanka guud ahan deegaanka lagu xaqiijinayo.
Ma jiro war ka soo baxay maamulka Soomaalida oo
ku saabsan ciidamadan cusub ee soo galay Jigjiga.
Dhinaca kale warar goor dhaw soo baxay ayaa
sheegaya in uu xilka iska casilay madaxweynihii dowlad deegaanka Soomaalida
Itoobiya Cabdi Maxamuud Cumar, iyadoo xilkaa si KMG loogu dhiibay Axmed Cabdi
Maxamed Ilkacase.
Wixii warar ah ee ka soo kordha waa idin soo gudbin doonaa
C/raxmaan Diini, Hiiraan
Online
[email protected]