9/19/2018
Today from Hiiraan Online:  _
Wararka Maanta- Isniin, Aug 6 , 2018
Boqor Burhaan " Soomaalida Itoobiya waxaa laga doonnayo midnimo .. si ay dhibaatada uga gudbaan"


 

Isniin, August, 06, 2018 (HOL) – Boqor Burhaan Boqor Muuse, oo magaalada Qardho kula hadlay warbaahinta ayaa ka hadlay rabshadaha ka soo cusboonnaday xarunta dowlad deegaanka Soomaalida  ee  Jigjiga, kaddib markii dhawaan ay gudaha u galeen militeriga federaalka Itoobiya.

Wuxuu wax laga xumaado ku tilmaamey dhibaatada wayn ee ka dhacday dhulka dawlad deegaanka Soomaalida ee dalka Itoobiy, isagoo inta ku daray in aan la aqbali karin waqtigaan in ciidamo la geeyo Jigjiga, waxaa kalo uu farrin u direy dowladda Itoobiya oo uu ka dalbadey in ay hirgeliyaan ballan qaadkii ahaa in Geeska Afrika laga hirgeliyo nabad waarta.

Boqor Burhaan, ayaa sidoo kale sheegay in ay aad uga xunyihiin dullaanka aan loo meeldayin ee lagu qaaday Soomaalida-Itoobiya. Boqorka ayaa u soo jeediyaay dadka Soomaaliyeed inay isha ku hayaan deegaanadooda, isla markaana ay isku dubnaadan, isagoo tibaaxay in shidaalka ku jira dhulkaas Soomaalida ay leedahay saami aad u yar taas oo an xilligan macquul ahayn.

Hubaanti la’aanta ayaa wali ka taagan magaalada Jigjiga, tan iyo markii Sabtidii ay rabshado ka bilowdeen,waxaa la sheegay rabshadaha inay ku geeryoodeen tiro dad ah.

Iman Mohamed Jama, Hiiraan Online
 







Click here
8/6/2018 3:10 PM EST
Isniin, August, 06, 2018 (HOL)–Madaxweynaha cusub ee dowlad deegaanka Soomaalida Itoobiya Axmed Cabdi Maxamed oo war kooban siiyay warbaahinta ayaa ka hadlay xaaalada madaxweynaha xilka ka degay Cabdi Maxamuud Cumar.

8/6/2018 12:39 PM EST
Isniin, August, 06, 2018 (HOL)– Wararka ka imanaya magaalada Jigjiga ee dowlad deegaanka Soomaalida Itoobiya ayaa sheegaya in uu xilkii iska casilay madaxweynihii dowlad deegaanka Soomaalida Itoobiya Cabdi Maxamuud Cumar.

8/6/2018 12:06 PM EST
Isniin, August, 06, 2018 (HOL)– Wararka ka imanaya magaalada Jigjiga ayaa sheegaya in mar kale galinki danbe ee maanta ciidamo aad u hubeysan oo ka socda dowladda dhexe ee Itoobiya gudaha u galeen magaalada.

8/6/2018 9:18 AM EST
Isniin, August,06, 2018 (HOL)–Magaaladda Hargeysa waxa ku soo badanaya gaadiidka laga xaddo, kuwaas oo la sheegay in Fureyaal gaadhi kasta furaya loo samaystay.

8/6/2018 8:48 AM EST
Isniin, August, 06, 2018 (HOL)–Guddiga joogtada ee Golaha Shacabka Soomaaliya ayaa maanta dhaariyay xubno cusub oo ka mid noqonaya golaha wasiirada Soomaaliya.

8/6/2018 6:39 AM EST
Isniin, August, 06, 2018 (HOL)–Dawladda Sacuudi Carabiya ayaa muddo 24 saac ah u qabatey danjiraha Canada Dennis Horak si uu dalka uga baxo, taas badalkeeda boqortooyada Sacuudiga waxay u yeertay safiirka ka jooga Canada.

8/6/2018 5:24 AM EST
Isniin, August, 06, 2018 (HOL)–Mareykanka ayaa rasmi ahaan u dhaqangalinaya cunaqabateyn cusub oo u saaray dalka Iraan, saacadaha hore oo Talaalada berri, sida laga soo xigtay warbaahinta dalka.

8/6/2018 5:20 AM EST
Isniin, August, 06, 2018 (HOL)–91 qof ayaa la xaqiijiyay inay ku dhinteen dhul gariir xooggan oo ku dhufatay jasiiradda Lombok ee dalka Indonesia, sida laga soo xigtay saraakiisha gargaarka degdegga ah.

8/6/2018 3:33 AM EST
Isniin, August, 06, 2018 (HOL) – Hey’adda Cunnada adduunka ee WFP ayaa oggolaatay in ay iibsato Galeyda beeraha Soomaaliya, kaddib baaritaan lagu ogaaday in ay tahay nuuca ugu wanaagsan Galayda Bariga iyo Bartamaha Afrika arintaas oo Soomaaliya u oggolaatay in ay ku biirto waddamada WFP Galeyda ay ka iibsato.

8/6/2018 2:48 AM EST
Isniin, August,06,2018 (HOL)Puntland ayaa shaacisay qorshe lugu doonayo garoonka diyaaradaha magaalada Garoowe ee Jen. Maxamed Abshir Muuse inuu shaqeeyo habeen iyo maalin, taaso ka dhigeysa garoonkii ugu horreeyay ee Puntland oo shaqeynaya labo xilli.

8/6/2018 2:43 AM EST
Isniin, August, 06, 2018 (HOL)–Boqolaal Itoobiyaan ah oo ka soo qaxay Jig-jiga ayaa soo gaadhay magaalo xuduuddeedka Tog-wajaale gaar ahaan dhinaca Somaliland.

8/6/2018 2:38 AM EST
Isniin, August, 06, 2018 (HOL) – Wasaaradda arrimaha gudaha Puntland ayaa ku baaqday inan la dhibaateyn dadka qaxootiga ku ah deegaannada dowlad-gobolleedka, kaddib markii baraha bulshada lugu baahiyay muuqaalka nin la sheegay inuu ka soo jeedda qowmiyada Oramada oo lugu jirdilay magaalada Boosaaso.

8/6/2018 12:56 AM EST
Isniin, August, 06, 2018 (HOL) –Wararka ka imanaya magaalooyinka Jigjiga iyo Diri-Dhabe ee dhulka Ismaamulka Soomaalida Itoobiya ayaa sheegaya in ay ka jirto xaalad degenaasho, kaddib rabashadoo labadii cisho ee la soo dhaafay ka dhacayay.

8/6/2018 12:47 AM EST
Isniin, August, 06, 2018 (HOL) – Ra’iisal wasaraha xukuumadda Soomaaliya Xassan Cali Kheyre ayaa magaalada Khartuum ee dalka Suudaan uga qayb galay munaasabadda lagu saxiixay heshiiska dawladda midnimada qaran ee lagu soo af-jaray colaaddii waqtiga dheer u dhexeysay dhinacyada isku hayay siyaasadda Suudaanta Koonfureed.

8/6/2018 12:36 AM EST
Isniin, August, 06, 2018 (HOL)–Wasaaradda arrimaha dibedda Soomaaliya ayaa war ay soo saartay wax-ba kama jiraan ku tilmaamtay eedeyntii hanti-dhowrka guud iyo xeer ilaaliyaha Qaranka oo ka dhan ahaa Wasiir ku-xigeenka Wasaaradda Mukhtaar Mahad Daa’uud.