9/25/2018
Today from Hiiraan Online:  _
Wararka Maanta- Isniin, Aug 6 , 2018
Qaxooti Itoobiyaan ah oo ka soo baxsaday Jig-jiga oo Tog-wajaale soo gaadhay



Isniin, August,  06, 2018 (HOL)–Boqolaal Itoobiyaan ah oo ka soo qaxay Jig-jiga ayaa soo gaadhay magaalo xuduuddeedka Tog-wajaale gaar ahaan dhinaca Somaliland.

Itoobiyaankan ayaa u badan qoomiyada Oromadda, gaar ahaan waa dadkii ka ganacsanayey Jig-jiga ee hantidoodii la boobay, kuwaas oo amaan soo biday Wajaale maadaama oo aanay u gudbin Karin dhulkoodii.

Sidoo kale, waxa iyaguna cabsi badan qaba soomaalida degan Jig-jiga oo ka baqaya in dushoodda la isku qabsado oo ciidamada Liyuu booliska iyo kuwo Fadaraalka Itoobiya magaalada isku dul qabsadaan, waxaana jiray Soomaali badan oo iyaguna ka soo qaxay Jig-jiga oo soo gaadhay Wajaale.

Qaxootigan Wajaale soo galay ayaa haysan cunto iyo wax ay ku noolaadaan, kuwaas oo dawladda Somaliland ka dalbaday in wax loo keeno, waxa iyaguan hore usii joogay Wajaale ganacsataddii Wajaale wax ka iibsan jirey ee noqonayey oo meel ay maraan waayey, kuwaas oo labadii cishe u dambeeyey ku sugnaa Wajaale.

Dadkii joogay Wajaale iyo kuwii joogay Jig-jiga ma haystaan meel ay u maraan dhulkoodii, waxaanay ka baqayaan in dhexda gaadiidka lagala tago.

Dhinaca kale, ciidanka Amniga ee gobolka Togdheer ayaa soo qabtay Gaadhi Bas ah oo nooca waaweyn ah kuwaas oo xadka lagala soo talaabay iyagoo ay saaran yihiin Rakaabkii, waxaana hadda gacanta ku haya ciidanka Amniga oo baadhaya, waxaana loo malaynayaa in lagala soo baxsaday Jidka u dhexeeya jigjiga iyo Addis waana baabuurtii iskaga kala gooshi jirtay Itoobiya dhexdeedda.

Magaalada Jig-jiga ayaa bililiqo badani ka dhacday, waxaana la dhacay meheradihii dadka aan Soomaaliga ahayn, kuwaas dadkii lahaana qaarkood la laayey, waxaana Hargeysa maydkeedii shalay lagu aasay haweenay Itoobinaadan balse caruur soomaali ah dhashay oo meherad ku haysatay Jig-jiga oo dadkii ku geeriyooday k amid ahayd, taas oo la waayey meel lagu aasay oo Hargeysa loo keenay in lagu duugo, maadaama oo qaar kamid ah eheladoodu Hargeysa ku sugan yihiin.

Dhinaca kale, Jaadkii ayaan shalay galinkii hore iman, waxaanay gaadiidkii Jaadku ka soo wareegeen Degmadda Xariirad ee gobolka Awdal, waxaanay yimaadeen Hargeysa galinkii dambe.

Jaadkii ayaa soo mari kari waayey jidkii uu hore usoo mari jirey ee jig-jiga iyo Wajaale, waxaanu ka soo wareegay waddo raf ah oo aad u dhib badan taas oo ku keentay inuu masaafo fog soo wareego oo uu soo maray Xariirad.

Barkhad-ladiif M. Cumar, Hiiraan Online

[email protected]

Hargeysa, Somaliland.







Click here
8/6/2018 3:10 PM EST
Isniin, August, 06, 2018 (HOL)–Madaxweynaha cusub ee dowlad deegaanka Soomaalida Itoobiya Axmed Cabdi Maxamed oo war kooban siiyay warbaahinta ayaa ka hadlay xaaalada madaxweynaha xilka ka degay Cabdi Maxamuud Cumar.

8/6/2018 12:39 PM EST
Isniin, August, 06, 2018 (HOL)– Wararka ka imanaya magaalada Jigjiga ee dowlad deegaanka Soomaalida Itoobiya ayaa sheegaya in uu xilkii iska casilay madaxweynihii dowlad deegaanka Soomaalida Itoobiya Cabdi Maxamuud Cumar.

8/6/2018 12:06 PM EST
Isniin, August, 06, 2018 (HOL)– Wararka ka imanaya magaalada Jigjiga ayaa sheegaya in mar kale galinki danbe ee maanta ciidamo aad u hubeysan oo ka socda dowladda dhexe ee Itoobiya gudaha u galeen magaalada.

8/6/2018 9:18 AM EST
Isniin, August,06, 2018 (HOL)–Magaaladda Hargeysa waxa ku soo badanaya gaadiidka laga xaddo, kuwaas oo la sheegay in Fureyaal gaadhi kasta furaya loo samaystay.

8/6/2018 8:48 AM EST
Isniin, August, 06, 2018 (HOL)–Guddiga joogtada ee Golaha Shacabka Soomaaliya ayaa maanta dhaariyay xubno cusub oo ka mid noqonaya golaha wasiirada Soomaaliya.

8/6/2018 6:39 AM EST
Isniin, August, 06, 2018 (HOL)–Dawladda Sacuudi Carabiya ayaa muddo 24 saac ah u qabatey danjiraha Canada Dennis Horak si uu dalka uga baxo, taas badalkeeda boqortooyada Sacuudiga waxay u yeertay safiirka ka jooga Canada.

8/6/2018 5:24 AM EST
Isniin, August, 06, 2018 (HOL)–Mareykanka ayaa rasmi ahaan u dhaqangalinaya cunaqabateyn cusub oo u saaray dalka Iraan, saacadaha hore oo Talaalada berri, sida laga soo xigtay warbaahinta dalka.

8/6/2018 5:20 AM EST
Isniin, August, 06, 2018 (HOL)–91 qof ayaa la xaqiijiyay inay ku dhinteen dhul gariir xooggan oo ku dhufatay jasiiradda Lombok ee dalka Indonesia, sida laga soo xigtay saraakiisha gargaarka degdegga ah.

8/6/2018 3:39 AM EST
Isniin, August, 06, 2018 (HOL) – Boqor Burhaan Boqor Muuse , oo magaalada Qardho kula hadlay warbaahinta ayaa ka hadlay rabshadaha ka soo cusboonnaday xarunta dowlad deegaanka Soomaalida ee Jigjiga, kaddib markii dhawaan ay gudaha u galeen milateriga federaalka Itoobiya.

8/6/2018 3:33 AM EST
Isniin, August, 06, 2018 (HOL) – Hey’adda Cunnada adduunka ee WFP ayaa oggolaatay in ay iibsato Galeyda beeraha Soomaaliya, kaddib baaritaan lagu ogaaday in ay tahay nuuca ugu wanaagsan Galayda Bariga iyo Bartamaha Afrika arintaas oo Soomaaliya u oggolaatay in ay ku biirto waddamada WFP Galeyda ay ka iibsato.

8/6/2018 2:48 AM EST
Isniin, August,06,2018 (HOL)Puntland ayaa shaacisay qorshe lugu doonayo garoonka diyaaradaha magaalada Garoowe ee Jen. Maxamed Abshir Muuse inuu shaqeeyo habeen iyo maalin, taaso ka dhigeysa garoonkii ugu horreeyay ee Puntland oo shaqeynaya labo xilli.

8/6/2018 2:38 AM EST
Isniin, August, 06, 2018 (HOL) – Wasaaradda arrimaha gudaha Puntland ayaa ku baaqday inan la dhibaateyn dadka qaxootiga ku ah deegaannada dowlad-gobolleedka, kaddib markii baraha bulshada lugu baahiyay muuqaalka nin la sheegay inuu ka soo jeedda qowmiyada Oramada oo lugu jirdilay magaalada Boosaaso.

8/6/2018 12:56 AM EST
Isniin, August, 06, 2018 (HOL) –Wararka ka imanaya magaalooyinka Jigjiga iyo Diri-Dhabe ee dhulka Ismaamulka Soomaalida Itoobiya ayaa sheegaya in ay ka jirto xaalad degenaasho, kaddib rabashadoo labadii cisho ee la soo dhaafay ka dhacayay.

8/6/2018 12:47 AM EST
Isniin, August, 06, 2018 (HOL) – Ra’iisal wasaraha xukuumadda Soomaaliya Xassan Cali Kheyre ayaa magaalada Khartuum ee dalka Suudaan uga qayb galay munaasabadda lagu saxiixay heshiiska dawladda midnimada qaran ee lagu soo af-jaray colaaddii waqtiga dheer u dhexeysay dhinacyada isku hayay siyaasadda Suudaanta Koonfureed.

8/6/2018 12:36 AM EST
Isniin, August, 06, 2018 (HOL)–Wasaaradda arrimaha dibedda Soomaaliya ayaa war ay soo saartay wax-ba kama jiraan ku tilmaamtay eedeyntii hanti-dhowrka guud iyo xeer ilaaliyaha Qaranka oo ka dhan ahaa Wasiir ku-xigeenka Wasaaradda Mukhtaar Mahad Daa’uud.