Khamiis, August, 30, 2018 (HOL) – Goobjogayaal
ayaa warbaahinta u sheegay in madaafiic loo maleynayo in laga soo tuuray qoriga
hoobiyaha maanta ku soo dhaceen qeybo ka mid ah degmada Warta-Nabada Ex
Wardhiigley ee gobolka Banaadir.
Madaaficdan oo qaarkood ku dhacay Laamiga
xaafadda Geedjaceyl ayaa waxaa ku dhaawacmay ilaa shan ruux oo rayid ah.
Dadka ku dhaawacmay madaafiicda ayaa la dhigay
qaar ka mid ah goobaha caafimaadka magaalada, kuwaa oo lagu dabiibayo
xaaladooda caafimaad.
Ma’aha wax cusub magaalada madaafiicdan mar marka qaar lagu tuuro xaafaddaha
degmooyinka uu ka kooban yahay gobolka, waxaana ay u muuqdaan kuwo isla gudaha
magaalada lagu soo ridayo.
Dowladda Soomaaliya ayaa marar badan oo hore
toogasho ku dishay dad ay ku eedeysay in ay madaafiic ku ridayeen xaafaddaha
magaalada, halka kuwa kalana la qabtay iyaga oo gaadiid ku sita qoriga hoobiyaha
ah.
C/raxmaan Diini, Hiiraan
Online
[email protected]
