9/19/2018
Today from Hiiraan Online:  _
Wararka Maanta- Jimco, Aug 24, 2018
Tababar loo soo xiray ciidamo qeyb ka noqonaya howlgalka ka dhanka ah Al-shabaab


 

Jimco, August, 24, 2018 (HOL) – Saraakiil Britain ah ayaa tababar u soo xiray ciidamo gaaraya 500 oo askari kuwaa oo qeyb ka noqonaya howlgalka ka dhanka ah Al-shabaab ee ka soconaya deegaannada maamulka Koonfur Galbeed.

Saraakiil ka tirsan ciidamada xoogga dalka oo ka qeybgalay munaasabad tababarka loogu soo xirayay ciidamada ayaa uga mahad celiyay saraakiisha UK tababarka ay ku saacideen ciidamada iyo sida ay guud ahaan uga qeybqaadanayaan nabada Soomaaliya, iyaga oo dhinaca kalana kula dardaarmay ciidamada tababarka dhameystay in ay gutaan waajibka ka saran difaaca dadka.

Khaliif Cabdinaasir oo ah taliyaha qeybta 60aad ee ciidamada xoogga dalka ayaa sheegay in ay ku soo dhaweynayaan ciidamadan cusub ee tababarka loo soo xiray, isaga oo intaa ku daray in qorshuhu yahay qaadista guluf dagaal oo ka dhan ah Al-shabaab.

Wasiirka Warfaafinta maamulka Koonfur Galbeed Xassan Cabdi Maxamed ayaa ka hadlay tababarka loo soo xiray ciidamada ayaa boogaadiyay is bar bartaag UK oo sida uu hadalka u dhiggay wax-yaabo badan ku saaciday guud ahaan Soomaaliya, isaga oo intaa ku daray in ciidamada tababarka loo soo xiray la dagaalami doonaan wax uu ugu yeeray cadowga [Al-shabaab]

Koonfur Galbeed waxaa ay ka mid tahay deegaannada ay ku xooggan yihiin Al-shabaab oo gacanta ku haya qeybo badan oo ka mid ah gobolka, gaar ahaan deegaannada hoostaga gobolka Bakool, iyaga oo go’doomin joogta ah dhinaca kale ku haya degmooyinka ay dowladdu ka maamusho Bakool.

C/raxmaan Diini, Hiiraan Online
[email protected]







Click here
8/24/2018 2:20 PM EST
Jimco, August, 24, 2018 (HOL) -Sida goob-jogayaal ay u xaqiijiyeen Laanta afka Soomaaliga ee VOA-da ciidamo ka tirsan maamul gobolleedka Jubbaland ayaa weeraray saldhig ciidan magaalada Kismaayo, waxaana weerarkan la xaqiijiyay in ay ku dhaawac-meen Labo ruux.

8/24/2018 10:11 AM EST
Jimco, August, 24, 2018 (HOL)-Wararka naga soo gaaraya degmada Jalalaqsi ee gobolka Hiiraan ayaa sheegaya in askari ka tirsan ciidamada Jabuuti ee qeybta ka ah howlgalka AMISOM uu ku dhintay Qarax miino oo degmada ka dhacay maanta.

8/24/2018 8:45 AM EST
Jimco, August, 24, 2018 (HOL)-Ra’iisal wasaaraha Itoobiya Abiy Ahmed ayaa magaalada Addis Ababa ee dalka Itoobiya maanta oo Jimco ah kula kulmay Ergo gaareysa 700 qof oo laga soo kala xulay gobolada dowlad deegaanka Soomaalida Itoobiya.

8/24/2018 7:31 AM EST
Jimco, August, 24, 2018 (HOL)-Ciidamada dowladda Soomaaliya oo howlgal qorsheysan ka fuliyay qeyb ka mid ah magaalada Muqdisho ayaa la sheegay in ay qabteen labo xubnood oo ka tirsan ururka Al-shabaab.

8/24/2018 5:50 AM EST
Jimco, August, 24, 2018 (HOL) - Al-shabaab ayaa markii ugu horeysay warbaahinta u soo bandhigay hub iyo gadiid dagaal oo ay ku qabsadeen weerar bishii August sanadkii hore 2017 lagu qaaday saldhig ciidamada xoogga dalka ay ku lahaayeen deegaanka Bariire ee Gobolka Shabeellaha Hoose.

8/24/2018 2:38 AM EST
Jimco, August, 24, 2018 (HOL) – Australia ayaa yeelaynasa Ra'iisulwasaare cusub, waana Scott Morrison oo ka mid ah masuuliyiinta sare ee xisbiga talada haya Liberal Party, wuxuuna badalayaa Malcolm Turnbull, kaas oo ay meesha ka takhaantukhiyeen rag ay is hayeen oo isla xisbigiisa ka tirsan.

8/24/2018 12:27 AM EST
Jimco, August, 24, 2018 (HOL)-Ra’iisul wasaaraha Itoobiya Abiy Ahmed ayaa lagu wadaa in saakay oo Jimco ah magaalada Addis Ababa uu kula kulmo xubno ka tirsan hogaanka cusub ee dowlad deegaanka Soomaalida Itoobiya iyo ergo kor u dhaafeysa ilaa 700 oo ruux oo laga kala keenay deegaannada Ismaamulka Soomaalida.