9/24/2018
Today from Hiiraan Online:  _
Wararka Maanta- Khamiis, Aug 2 , 2018
Booqashadii madaxweyne Farmaajo ee Eritrea oo xiisad ka dhax- abuurtay Soomaaliya iyo Jabuuti


 

Khamiis, August, 02, 2018 (HOL) – Dowladda Jabuuti ayaa cadeysay mowqifkeeda la xiriira hadal dhawaan madaxweynaha dowladda Soomaaliya Maxamed Cabdullaahi Farmaajo uu ka jeediyay magaalada Asmara kaddib booqasho saddex cisho qaadatay oo uu halkaa ku tagay.

Safiirka Jabuuti ee Soomaaliya Aadan Xassan Aadan oo la hadlay Idaacada VOA ayaa sheegay in dowladda Eritrea sida uu hadalka u dhigay xoog ku heysato qeyb ka mid ah dhulka Jabuuti iyo gaar ahaan Jasiiradaha Doumeira iyo 10 Maxbuus oo reer Jabuuti ah.

‘’Shaki kama jiro in Soomaaliya ay xaq u leedahay hagaajinta xiriirka ay la leedahay wadamada dariska ah, laakiin waxaa wax la aqbali karo aheyn in madaxweynaha Soomaaliya uu ku taageero Eritrea xoog ku heysashada dhulka qeyb ka mid ah Jabuuti iyo maxaabiis’’ ayuu yiri safiirka.

Safiirka ayaa intaa ku daray in war laga naxo uu ahaa hadalkii madaxweynaha Soomaaliya ee ahaa in cunaqabateynta saran laga qaado Eritrea.

Jabuuti ayaa qeyb ka ah wadamada ku tabarucay ciidamada nabad-ilaalinta Soomaaliya ee qeybta ka howlgalka midowga Africa, waxaana dhowr Kun oo ciidamo ah ka joogaan gobolka Hiiraan ee bartamaha Soomaaliya.

‘’Wiilasheen-na waxaa ay naftooda u hurayaan nabada Soomaaliya, xili walaalahood ay maxbuus ku yihiin Asmara, sidaa daradeed kuma faraxsanaan doonaan in ay maqlaan hadalka qaldan ee madaxweynaha Soomaaliya, ayuu yiri safiirka Jabuuti.

Wuxuu sheegay safiirka in mar walba ay soo dhaweynayaan dhaqdhaqaaqa nabadeed iyo kan diblomaasiyadeed ee Geeska Africa, hasse ahaatee aan wali la xalin khilaafka labada dowladood ee Jabuuti iyo Eretria.

Wali dowladda Soomaaliya wax war ah kama aysan soo saarin hadalka ka soo yeeray Jabuuti oo qoonsatay khudbadii madaxweyne Farmaajo uu ka jeediyay Asmara.

C/raxmaan Diini, Hiiraan Online
[email protected]







Click here
8/2/2018 5:05 PM EST
Khamiis, August, 02, 2018 (HOL)- Dowladda Soomaaliya ayaa markii ugu horeysay shaacisay in loo tartami doono xilka guddoomiyaha Bankiga dhexe oo markii hore ku iman jiray magacaabis.

8/2/2018 12:22 PM EST
Khamiis, August, 02, 2018 (HOL)-Shir gaar ah oo magaalada Garoowe uga socday golaha wasiirrada dowladda Federaalka iyo dowlad-gobolleedka Puntland ayaa goor dhow la soo gabagabeeyay.

8/2/2018 9:46 AM EST
Khamiis, August, 02, 2018 (HOL ) -Shirka golaha wasiirrada dowladda federaalka Soomaaliya ayaa goor dhow ka furmay xarunta wasaaradda maaliyadda Puntland ee magaalada Garoowe, kaddib saacado badan oo dadaal lugu bixiyay shirkan inuu qabsoomo,markii ay ka soo horjeesteen xubno ka tirsan Puntland.

8/2/2018 9:44 AM EST
Khamiis, August, 02, 2018 (HOL ) -Shirka golaha wasiirrada dowladda federaalka Soomaaliya ayaa goor dhow ka furmay xarunta wasaaradda maaliyadda Puntland ee magaalada Garoowe, kaddib saacado badan oo dadaal lugu bixiyay shirkan inuu qabsoomo,markii ay ka soo horjeesteen xubno ka tirsan Puntland.

8/2/2018 8:52 AM EST
Khamiis, August, 02, 2018 (HOL) – Sida ay Hiiraan Online u xaqiijiyeen goobjoogayaal rag hubeysan ayaa goor dhaw toogasho ku dilay ganacsade dhalinyaro ah oo lagu magacaabi jiray Maxamed Maxamuud Sheekh Cali oo lagu naaneysi jiray [Dable Pilot] Isgoyska Banaadir ee magaalada Muqdisho

8/2/2018 6:05 AM EST
Khamiis, August, 02, 2018 (HOL)–Kaddib fadhiyo is xig-xigay oo ay soo martay dhageysiga dacwda xubnahan la sheegay in ay yihiin horjogayaal ka tirsan Daacish ayeey ugu danbeyntii maxkamada ciidamada qalabka sida xukun riday labadan eedeysane.

8/2/2018 4:22 AM EST
Khamiis, August, 02, 2018 (HOL)–Dadaallada lugu raadinnayo qabsoomida shirkii ugu horreeyay ee golaha wasiirrada Federaalka oo ka dhaca Garoowe ayaa wali socda, markii shirka ay ka horyimaadeen xubno ka tirsan Puntland.

8/2/2018 3:36 AM EST
Khamiis, August, 02, 2018 (HOL) – Senator Cabdiraxmaan Sh. Maxamed Maxamuud (Faroole) oo ka mid ah golaha aqalka sare ee Soomaaliya ayaa xukuumadda federaalka ka dalbaday in la-dadaijiyo wada-hadallada Soomaaliland,kaddib kulan gaar ah oo magaalada Garoowe uu kula qaatay ra'iisul wasaaraha Soomaaliya, Xasan Cali Khayre oo booqasho ku jooga Puntland.

8/2/2018 1:21 AM EST
Khamiis, August, 02, 2018 (HOL) – Qof isku so xiray walxaha Qarxa ayaa fiidnimadii xalay ku dilay magaalada Buuhoodle sida saddex ruux oo labo ka mid ahaayeen mas’uuliyiin horey xilal u soo qabtay.

8/2/2018 1:00 AM EST
Khamiis, August, 02, 2018 (HOL)–Wararka naga soo gaaraya magaalad Garoowe ee xarunta maamul gobolleedka Puntland ayaa sheegaya in maanta lagu wado in uu halkaa ka furmo shirkii golaha Wasiirrada Soomaaliya ee todobaad walba maalinta Khamiista ah lagu qaban jiray magaalada Muqdisho.