9/26/2018
Today from Hiiraan Online:  _
Wararka Maanta- Axad, Aug 19, 2018
Madaxweynaha Masar oo saxiixay sharci lagu xakamaynayo Internet-ka


 

Axad, August, 19, 2018 (HOL)– Madaxweynaha dalka Masar,Abdel Fattah al-Sisi, ayaa saxiixay sharci lagu adkeynayo xakamaynta adeegyada internetka dalkaasi.

Xukuumadda dalkaasi ayaa sheegtay in tallaabooyiinkan looga gol leeyahay in lagu xaliyo xasilooni darada iyo argagixisada.

Dadka u dhaqdhaqaaqa xuquuqda aadanaha ayaa ku eedeeyay dowladda in ay isku dayayso in ay aamusiiso dadka siyaasad ahaan ka soo horjeeda.

Sharciga cusub ayaa ka dhigan in bogagga internet-ka laga xiro karo gudaha waddanka kuwaasi oo xukuumada Masar ay u aragto inay abuurayaan wax halis ku ah amniga qaranka.

Qof walbba oo lagu helo inuu qeyb ka yahay bogagga Internet-ka ama uu booqdo ayaa wajihi doono xabsi ama ganaax.

Ka hor xitaa inta aanan la ansixinin sharcigan cusub, kooxaha xuquuqul insaanka ayaa sheegay in in ka badan 500 oo bog durbaba la xiray.

Sidoo kale waxaa jiro hindise sharciyeed kale oo baarlamaanka uu meelmariyay bishii la soo dhaafay, balse wali uusan ansixinin madaxweyne Sisi, kaasi oo fasaxaya in cinwakasta oo baraha bulshada ah oo ay ku tixan yihiin inka badan shan kun oo qof la kormeero.

Iyada oo dhammaan dibadbaxyada wadooyinka lagu dhigo la mamnuucay, ayaa internet-ka waxaa uu ahaa madasha keliya ee dadka Masar ay haysteen si ay fikradahooda ugu soo bandhigaan.

 Xigasho/BBC

 

 







Click here
8/19/2018 3:06 PM EST
Axad, August, 19, 2018 (HOL)-Qoraal ka soo baxay xafiiska Wasiiru-dowlaha wasaaradda Maaliyada xukuumadda Soomaaliya Maxamuud Xayir Ibraahim waxaa si KMG loogu magacaabay waaxda Canshuuraha Dekedda Muqdisho Xassan Cabdi Casiis Axmed.

8/19/2018 11:12 AM EST
Axad, August, 19, 2018 (HOL)- Abaanduulihii ciidamada xoogga dalka Soomaaliyeed Jen Cabdullaahi Cali Caanood oo uu dhawaan madaxweyne Farmaajo xilkii ka qaaday ayaa waxba kama jiraan ku tilmaamay warar soo baxay oo sheegaya in uu la goostay gadiid dagaal iyo ciidan.

8/19/2018 10:56 AM EST
Axad, August, 19, 2018 (HOL)– Iyadoo maalmihii ugu danbeeyay-ba xafiiska hanti-dhowrka guud ee dowladda Soomaaliya uu ku howlanaa daba-gal lagu sameynayo hay’addaha iyo mas’uuliyiinta dowladda oo qaarkood hadda xabsiga loo dhigay arrimo musuq-maasuq la xiriira ayaa sheegay in isla xisaabtanku gaari doono xafiis-yada madaxweynaha iyo ra’iisal wasaaraha dalka.

8/19/2018 9:55 AM EST
Axad, August, 19, 2018 (HOL)– Guddiga difaaca Puntland oo maanta saxaafadda kula hadlay magaalada Garoowe ayaa beeniyay inuu jiro heshiis laga gaaray colaada gobolka Sool,waxaana ay ku celiyeen inaysan jirin wax gorgortan ah oo ay ka galayaan deegaannada ay Soomaaliland ku sugantahay.

8/19/2018 9:38 AM EST
Axad, August, 19, 2018 (HOL)–Ra’iisal Wasaaraha xukuummadda Federaalka Soomaaliya mudane Xasan Cali Khayre ayaa xarunta taliska booliiska Soomaaliyeed kula shiray wasiirka amniga, dhammaan hay’adaha garsoorka, guddoomiyaha maxkamadda sare, xeer ilaalinta, garyaqaanka, guddoomiyaha gobalka Banaadir, taliyaha ciidamada Asluubta iyo dhammaan taliyaasha cadaaladda iyo garsoorka, taliyaha booliiska Soomaaliyeed iyo taliyaha booliiska gobalka Banaadir.

8/19/2018 8:33 AM EST
Axad, August, 19, 2018 (HOL)–Golaha Iskaashiga dowlad goboleedyada ayaa bisha soo socota isugu imaanaya shir degdeg ah, kaasoo ka dhici doona magaalada Kismaayo ee xarunta KMG ee Jubbaland.

8/19/2018 7:29 AM EST
Axad, August, 19, 2018 (HOL)–Tirada muslimiinta caalamka ka timid ee ku sugan magaalada barakaysan ee Maka ayaa lagu qiyaasay 2 milyan oo qof si ay u gutaan waajibaadka xajka, waxaana maanta bilaabmay howsha gudashada acmaasha xajka.

8/19/2018 4:19 AM EST
Axad, August, 19, 2018 (HOL)– Guddoomiyaha Guddiga Doorashooyinka Qaran Xaliimo Ismaaciil (Xaliima Yarey) ayaa ku dhawaaqday inay bilaabeen howsha soo buuxinta saddex kursi oo ka banaan Golaha Shacabka oo lagu dooranayo Baydhabo iyo Dhuusa-mareeb.

8/19/2018 1:29 AM EST
Axad, August, 19, 2018 (HOL)–Rugta Ganacsiga iyo Warshadaha Soomaaliyeed ayaa markii ugu horeysay ka hadashay weerarada ciidamada Kenya ku hayaan xarumaha shirkadda Is-gaarsiinta Hormuud ku laheyd gobolada Gedo iyo Jubbooyinka.

8/19/2018 12:52 AM EST
Axad, August, 19, 2018 (HOL)–Kenya ayaa sheegtay in ay baareyso saddex qof oo lagu tuhmaayo in ay ka tirsan yihiin Ururka Al-Shabaab ee ka dagaalama gudaha dalka Soomaliya.

8/19/2018 12:31 AM EST
Axad, August, 19, 2018 (HOL)–Dowladda Soomaaliya ayaa faah faahin dheeraad ah ka bixisay xariga 10 xubnood oo ka tirsanaa howlwadeennadii dekedda Muqdisho oo ku eedeysan musuq-maasuq iyo xatooyo xoolo dadweyne.