Maamulka Hirshabeelle oo xilalkii ka qaaday guddoomiye ku-xigeennadii maaliyada degmooyinka gobolka Hiiraan
Khamiis, August, 16, 2018 (HOL)- Wareegto
ka soo baxday Wasiirka arrimaha gudaha maamul gobolleedka Hirshabeelle Maxamed Cali Caadle ayaa xilalkii ka
qaaday guddoomiye ku-xigeennadii maaliyada degmooyinka Beledweyne, Maxaas iyo
Jalalaqsi.
Wasiirka ayaa xilkii ka qaaday
guddoomiye ku-xigeenkii maamulka iyo maaliyada degmada Beledweyne Khadar Xassan
Afrax, waxaana xilkan loo magacaabay Maxamed Macquul Cilmi.
Wareegtada ayaa sidoo kale xilkii
guddoomiye ku-xigeenka maaliyada looga qaaday Cali Xaaji Xassan Guure, waxaana
xilkaa loo magacaabay Cabdi Axmed Cabdulle.
Mas’uuliyiinta xilalka laga
qaaday ayaa waxaa ka mid ah guddoomiyihii degmada Jalalaqsi Maxamed Cabdulle
Fiidoow, waxaana xilka guddomiyaha degmada loo magacaabay Ibraahim Madoobe
Nuur, sidoo kalana waxaa guddoomiye ku-xigeennada, Siyaasadda, Amniga,
Samafalka iyo hormarinta mashaariicda.
Xil ka qaadistan Wasiirka
arrimaha gudaha Hirshabeelle uu ku saameeyay guddoomiye ku-xigeennadii
maaliyada ee degmooyinka Beledweyne iyo Maxaas ayaa u muuqata in ay salka ku
heyso arrimaha la xiriira canshuuraha soo gala gobolka oo muddo dheer-ba leysku
mari-laa sida loo maamulayo.
C/raxmaan Diini, Hiiraan
Online
[email protected]
