.jpg)
Khamiis, August, 16, 2018 (HOL)- Wakiilka
gaar ah ee midowga Africa ee Soomaaliya Amb. Francisco Madeira ayaa boggiisa Twitter-ka
ku sheegay in ay bilaabeen qorshe ay uga baxayaan Garoonka ugu weyn Soomaaliya
ee Kubadda Cagta Mogadishu Stadium.
Wuxuu sheegay in uu siweyn ugu
faraxsan yahay wixii hadda ka danbeeya in garoonka dib loogu celiyo gacanta
shacabka Soomaaliyeed, iyadoo marar badan oo hore dowladda Soomaaliya ku
celcelisay baahida waqtigan loo qabo in garoonku shaqeeyo.
Garoonka ayaa la dhisay 1978
waana garoonka ugu ballaaran guud ahaan marka la eego xarumaha Sport-ga ee
dalka, waxaana uu leeyahay qeybo kala
duwan sida Garoon Kubadda Cagta, Oradada, Dabaasha iyo waliba Kubadda Miiska.
Garoonka ayaa hadda ah saldhig
militari oo ay degan yihiin ciidamada howlgalka midowga Africa AMISOM, inkastoo uu haddda midowga Africa ku dhawaaqay qorshe
ciidamada looga saarayo garoonka oo muhiim u ah bahda cayaaraha dalka.
C/raxmaan Diini, Hiiraan
Online
[email protected]
