Khamiis, August, 16, 2018 (HOL)- Boqolaal bulshada Laascaanood ah
ayaa tuulada Canjiid oo 16Km. waqooyi kaga quman, ku soo dhoweeyey Maxamed
Xuseen Carab Gudoomiyaha cusub ee gobolka Sool.
Masuuliyiin heer gobol iyo degmo,
isuduwaayasha iyo dadweyne ayaa u muujiyey taageero gudoomiyaha cusub oo horey
xukuumadii Siilaanyo xilal kala duwan ka soo qabtay.
Gudoomiyaha degmada Laascaanood
C/casiis Xuseen Xasan oo ugu horay halkaasi ka hadlay ayaa waxa uu Gudoomiyaha
ku soo dhoweeyey xilka waxana uu u sheegay in wadashaqayn buuxda ay diyaar
ula tihiin.
Odayaal kala duwan ayaa sidoo kale
taageero taa la mid ah u soo jeediyey, iyadoo Gudoomiye ku Xigeenka uu ku soo
dhoweeyey Gudoomiyaha oo la odhan karo waa ninkii ugu taageerada badnaa.
Gudoomiyaha Maxamed Xuseen Carab oo
dadkii soo dhoweeyey la hadlay ayaa mahadnaq ka dib waxa uu sheegay in gobolku
isbedel u naahan yahay isaguna uu maanta diyaar u yahay.
Gudoomiyaha ayaa degaan ka dhigtay
xarun mudo dheer ka dhisnayd bariga Laascaanood taas oo u muuqata isbedlkiisa koobaad
Seynab Cabdi Warsame
[email protected]
Laascaanood
