Khamiis, August, 16, 2018 (HOL)-Madax-weynaha
dowladda Soomaaliya Maxamed Cabdullaahi Farmaajo iyo wafdi uu horkacayo ayaa
lagu wadaa saakay in ay u dhoofaan dalka Jabuuti.
Agaasimaha warfaafinta
madaxtooyada Soomaaliya CabdiNuur Maxmamed Axmed ayaa sheegay in socdaalka
madaxweynaha iyo wafdigiisu uu salka ku hayo sidii loo xoojin lahaa xiriirka
walaalnimo ee labada dal Soomaaliya iyo Jabuuti.
Madax-weyne Farmaajo ayaa la
kulmi doona dhiggiisa dalka Jabuuti Ismaaciil Cumar Geelleoo ay ka wada hadli
doonaan arrimo badan oo quseeya xiriirka labada dowladdood, iyadoo dhawaan
Jabuuti tabasho ka muujisay hadal bishii hore madax-weyne Farmaajo uu ka
jeediyay magaalada Asmara ee dalka Eritrea.
Dhawaan waxaa magaalada Muqdisho
soo gaaray wafdi uu horkacayay wasiirka arrimaha dibedda dalka Eritrea, waxaana la sheegay in wafdiggaa uu u sii
ogogal xaarayay wafuud kale oo ka imaneysa isla dalkaasi Eritrea.
Wasiirka arrimaha dibedda
Soomaaliya Axmed Ciise Cawad oo la hadlay warbaahinta ayaa sheegay in madaxda
Soomaaliya ay ku howlan yihiin loo soo afjari lahaa khilaafka dowladdaha
Jabuuti iyo Eritrea.
C/raxmaan Diini, Hiiraan
Online
[email protected]