Ciidamada xoogga dalka Soomaaliyeed oo laga dalbaday in ay ilaaliyaan xuquuqda aadanaha
Talaado, August, 14, 2018 (HOL)– Taliyaha ciidamada xoogga dalka
Soomaaliyeed Gen. Cabdi Wali Xuseen 'Gorod', ayaa ku
amray ciidamada qalabka sida in
ay u hogasamaan sharciyada caalamiga ah ee xuquuqda aadanaha inta ay socdaan
howlgalada militari
Taliyaha ayaa uga digay in askarigu ciqaab ku mudan
doono diidmada sharcigan ilaalinaya xaquuqda qofka bani’aadamka. Isaga oo
dhinaca kalana u qeybiyay
"Xeerka Anshaxa ee loogu talagalay ciidamada.
Xeerkan ayaa ilaalin doona islamarkaana xakameynaya dhaqanka ciidamada waqtiyada colaadaha iyo sida loola macaamilayo
dadka aan hubeysneyn ee rayidka ah.
"Marka
aad rabto inaad ilaaliso ammaanka oo aad la dagaalanto mucaaradka (Al-Shabaab),
waxaa jira sharciyo caalami ah oo la ilaaliyo" ayuu yiri Gen. Cabdiweli oo uga digay la baalmaro shurucda isaga oo sheegay in
Diinta Islaamku qabto in dadka la nabad-galyo.
Kulanka lagu soo bandhigayay shuruucda ay tahay in
ay ciidamada dhow-raan sidoo kale waxaa joogay saraakiil ka tirsan ciidamada
howlgalka midowga Africa AMISOM.
Ciidamada dowladda ayaa loo jeediyaa waqtiyada ay
socdaan dagaallada in aysan kala soocin kooxaha ka soo horjeeda iyo dadka
rayidka ah ee ku dhaqan deegaannada ay dagaalladu ka jiraan, marar badan oo
hore-na waxaa lagu eedeeyay in ay si ula kac ah u laayeen dad rayid ah.
C/raxmaan Diini,
Hiiraan Online
[email protected]