Gen. Jim Owoyesigire ‘’ Waa in ay wada jir u howlgalaan ciidamada AMISOM iyo kuwa Soomaaliya
Axad, August, 12,
2018 (HOL)–Taliyaha guud ee ciidamada howlgalka midowga Africa AMISOM Gen. Jim
Owoyesigire oo khudbad u jeedinayay ciidamada howlgalka midowga Africa ee ku
sugan Jowhar ayaa sheegay in ay looga baahan yahay ciidamada midowga Africa in
ay ka bar bar dagaalamaan ciidamada kale ee dowladda Soomaaliya.
Taliyaha ayaa
sheegay in ay inta badan dhacdo labada ciidan in mid gaar uu ula dagaalamo
Al-shabaab taasoo hoose u dhigeysa ayuu yiri awooda ciidamada ee dagaalka ka
dhanka Ururka hubeysan ee Al-shabaab.
Waxaa kaloo uu
sheegay in ay jirto daaarasad la doonayo
in lagu sameeyo xaqiijinta amniga xarumaha ay ciidamada AMISOM ku leeyihiin
qeybaha kala duwan ee dalka, isaga oo intaa ku daray in wixii hadda ka danbeeya
loo baahan yahay in loo jiheysto dagaal ka dhan ah wax uu ugu yeeray kooxaha
Argagixisada.
‘’Waxaan ku
baaqeynaa howlgal deg deg ah iyo dagaal lala galo kooxaha argagixisada, labada
ciidan waa in ay arintan wada jir uga qeyb-galaan’’ ayuu yiri Gen. Jim
Owoyesigire.
Al-shabaab ayaa wali
ku xoogan deegaanno ka tirsan Koonfurta iyo Bartamaha Soomaaliya iyaga oo
weerarro joogta ku qaadan xarumaha ciidamada dowladda iyo kuwa howlgalka
midowga Africa AMISOM.
C/raxmaan Diini, Hiiraan
Online
[email protected]