9/20/2018
Today from Hiiraan Online:  _
Wararka Maanta- Jimco, Aug 10, 2018
Dib u dayactir lagu bilaabay Buundo ay gooyeen Al-shabaab oo ku taal J/hoose




Jimco, August, 10, 2018 (HOL)–Buundadan oo muhiim u ahayd isu socodka dadka iyo gaadiidka ayay dagaalyahanno ka tirsan Shabaab gooyeen dabayaqaadii bishii July ee sanadka, kadib weerar ay kusoo qadeen deegaankaasi oo saldhig u ah ciidamada xoogga dalka iyo kuwa dowlad goboleedka Jubbaland.

Wadadan oo magaalada Kismaayo ku xirta deegaanada uu maro webiga Jubba ee waqooyiga gobolka ayaa waxaa aad u isticmaali jiray gaadiidleeyda isa gooshta Kismaayo iyo gobollada kale ee dalka, waxaa sidoo kale wadadan isticmalai jiray gaadiidka qudaarta ka keena beeraha gobolka.

Magaalada Kismaayo iyo deegaanada ku xeeran ayaa mudooyinkii u danbeeyay waxaa ka jiray sicir-barar dhanka qudaarta ah, maadaama ay istaageen gaadiidkii ka iman jiray deegaanada gosha ee waqooyiga gobolka J/hoose ee ay ka iman jirtay khudradda.

Madaxweyne kuxigeenka 2-aad ee Jubbaland Mudane C/qaadir Xaaji Max’uud Lugadheere, xubno ka tirsan labada gole ee dowladda iyo saraakiil ciidan ayaa maanta kormeeray howlaha dib u dhiska ee lagu bilaabay buundadaasi.

Mudane C/qaadir Xaaji Max’uud Lugadheere ayaa sheegay in howlaha dib u dhiska ah ay iska kaashanayaan dowladda iyo shacabka reer Jubbaland, isagoo xusay in ay goordhow dib u furmi doonto wadadaasi islamarkaana gaadiidku si caadi ah u isticmaali doonaan.

Dib u dhiska lagu bilaabay wadadan ayaa kusoo beegmeysa xilli mudooyinkii u danbeeyay ay shacabka magaalada Kismaayo ka cabanayeen xirnaashaha wadadaasi, taa oo keentay in ay istaagaan badeecooyinkii magaalada uga iman jiray gobollada kale ee dalka oo ay kamid tahay qudaarta.

Xasan Nuur, Hiiraan Online
[email protected]
Kismaayo-Soomaaliya.







Click here
8/10/2018 3:20 PM EST
Jimco, August, 10, 2018 (HOL)– Guddoomiya degmada Tog-Wajaale qeybta xigta Itoobiya oo lagu magacaabo Axmed Khadar Cabdi Cali ayaa sheegay in ay toogasho ku dhaawacmeen ciidanka Liyuu Booliis ee dowlad deegaanka Itoobiya xili sida uu hadalka u dhigay uu isku dayay in uu ka celiyo in ay qaataa gaari dab-damis ah oo degmada yiilay.

8/10/2018 11:16 AM EST
Jimco, August, 10, 2018 (HOL)– Wada-hadallo lugu raadinnayay in lugu xalliyo xiisada ka taagan deegaanka Tukaraq ee gobolka Sool ee u dhaxeysa Puntland iyo Soomaaliland ayaan illaa hadda wax natiijo ah laga gaarin, sida u xaqiijiyay madaxweyne ku-xigeenka Puntland,Cabdixakiim Cabdullaahi Xaaji Cumar (Camay).

8/10/2018 9:22 AM EST
Jimco, August, 10, 2018 (HOL)– Dowladda Sacuudiga ayaa Soomaaliya dib ugu soo celisay xoolo dhawaan la dhoofiyey oo lagu qiyaasay toddoba iyo labaatan kun oo neef, waxaana lugu wadaa Markabkii xoolaha qaaday oo la soo celiyey inuu illaa maalinta Axadda ku soo xirto dekedda Bossaaso.

8/10/2018 7:40 AM EST
Jimco, August, 10, 2018 (HOL)–Dowladda Ruushka ayaa sheegtay in cuna-qabateyntii Mareykanku uu ku saaray Ruushka eedeynta la xiriirta sumeynta basaas hore oo Ruushka u shaqeyn jirey iyo gabadhiisa ay dib u dhac ku keeneyso horumaradii laga sameeyay wadahadalladii dhex maray madaxda labada dal.

8/10/2018 7:27 AM EST
Jimco, August, 10, 2018 (HOL)–Waxaa shalay gelinkii lagu qabtay magaalada Muqdisho aqoon-isweydaarsi hal maalin socday oo ku saabsanaa barashada qorsheynta maamulka iyo istiraatijiyada ganacsiga goobaha caafimaadka ee gaarka loo leeyahay.

8/10/2018 3:10 AM EST
Jimco, August, 10, 2018 (HOL)–Guddida ilaainta iyo dabagalka hantida qaranka ee golaha wakiilada, ayaa eeddo musmusuq usoo jeedisay wasiiro ka tirsan xukuumaddii hore ee Axmed Silaanyo, kuwaas soo bandhigay lacag loogu talogalay mashaariic in lagu fuliyo oo aan lagu fulin.

8/10/2018 2:54 AM EST
Jimco, August, 10, 2018 (HOL)–Ku dhawaad 40 xubnood oo ka tirsan golaha dhexe ee xisbiga ka arimiya dowlad deegaanka Soomaalida Itoobiya ayaa ku sugan magaalada Addis Ababa, sida ay sheegeen xubno ka tirsan golaha.

8/10/2018 12:55 AM EST
Jimco, August, 10, 2018 (HOL)–Madaxweyne Donald Trump sodohdii iyo sodogii ayaa noqday muwaadiniin Maraykan ah iyaga oo loo sameeyay xaflad gaar ah.

8/10/2018 12:48 AM EST
Jimco, August, 10, 2018 (HOL)–Shaqaale ka tirsan hay'adda hay’adda Bisha Cas ayaa lagu waramayaa in dabley loo maleynayo in ay ka tirsan yihiin xooggaga Al-shabaab ku qafaasheen gobolka Baay ee maamulka Koonfur Galbeed.

8/10/2018 12:30 AM EST
Jimco, August, 10, 2018 (HOL)–Munaasabad ay xilalka kula kala wareegayeen Markab ciidan oo laga leeyahay dalka Spain oo si rasmi ah xilka howlgalka Atlaanta ee Soomaaliya kala wareegay Markab dagaal oo kuwa Talyaaniga ah ayaa lagu qabta xalay dalka Jabuuti.